Last updated on January 19th, 2026 at 07:07 pm
ಕಾಸ್ರೋಡ್, ಜ. 19: ಇಲ್ಲದ ಬಾಕಿಲ್ ಪೊಲ್ತ್ದ್ ಉಲಯಿ ಪೊಗ್ಗಿನ ಕಲ್ವೆರ್ 29 ಪವನ್ ಬಂಗಾರ್ , 25 ಸಾರ ರೂ.ಮೌಲ್ಯೊದ ಬೊಳ್ಳಿ ಬೊಕ್ಕ ಐನ್ ಸಾರ ರೂ. ಕಾಸ್ ಕನ್ಡ್ದಿನ ನಡಕೆ ಕುಂಬ್ಳೆ ಕೈತಲ್ದ ನಾಯ್ಕಾಪು ಪನ್ಪಿನಲ್ಪ ಐತಾರ ನಡತ್ದ್ಂಡ್.
ಇಲ್ಲದ ಪಿರವುದ ಬಾಕಿಲ್ ಪೊಲ್ತ್ದ್ ಈ ಬೇಲೆ ಮಲ್ತ್ದೆರ್. ನ್ಯಾಯವಾದಿ ಚೈತ್ರ ಪನ್ಪಿನಾರೆನ ಇಲ್ಲಡ್ ಕಲ್ವೆ ನಡತ್ದ್ಂಡ್. ಇಲ್ಲದಕುಲು ಬಯ್ಯಡ್ ಕುಂಬ್ಳೆದ ದೇಲಂತಡೆಗ್ ಪೋದಿತ್ತ್ದ್, ಒಂಜರೆ ಗಂಟೆ ಕರಿದ್ ಇಲ್ಲಗ್ ಪಿರ ಬನ್ನಗ ಕನ್ಡ್ದ್ ಪೋತಿನ ತೆರಿದ್ ಬೈದ್ಂಡ್. ಬಯ್ಯ 6.30 ರ್ದ್ 8 ಗಂಟೆದ ಉಲಯಿ ಈ ನಡಕೆ ನಡತ್ದ್ಂಡ್. ಕುಂಬ್ಳೆ ಪೊಲೀಸೆರ್ ಜಾಗೆಗ್ ಬತ್ತ್ದ್ ಜಡ್ತೆ ಸುರು ಮಲ್ತ್ದೆರ್.