Last updated on January 20th, 2026 at 12:21 pm
ಬೆಂಗಳೂರು, ಜ. 20: ಸೆಕೆಂಡ್ ಪಿಯುಸಿ ಜೋಕುಲೆಗ್ ಶಿಕ್ಷಣ ಇಲಾಖೆ ಮಲ್ಲ ಶಾಕ್ ಕೊರ್ದಿತ್ತ್ದ್, ಇದಮುಟ್ಟ ಇಪ್ಪೆದಿನ ಸ್ಟಡಿ ಹಾಲಿಡೇಗ್ ಬ್ರೇಕ್ ಪಾಡ್ದ್ಂಡ್. ಪಿಯು ಫಲಿತಾಂಶೊನು ಸುದಾರ್ಪೆರೆ ಈ ಮಲ್ಲ ನಿರ್ಧಾರ ಗೆತೊಂದ ಪನ್ದ್ ಪದವಿ ಪೂರ್ವ ಶಿಕ್ಷಣ ಇಲಾಖೆ ತೆರಿಪಾದ್ಂಡ್. ನನ ದುಂಬಗ್ ಪರೀಕ್ಷೆ ಮುಗಿಪುನೇಟಲಾ ಪಿಯು ವಿದ್ಯಾರ್ಥಿಲು ಕಡ್ಡಾಯವಾದ್ ಕಾಲೇಜ್ಗ್ ಪೋವೊಡು.
ಒಂಜಿ ತಿಂಗೊಲ್ದ ಸ್ಟಡಿ ಹಾಲಿಡೇಗ್ ಬ್ರೇಕ್
ಈತ್ನೇಟ ಪ್ರಿಪರೇಟರಿ ಪರೀಕ್ಷೆ ಆಯಿ ಬೊಕ್ಕ ಸುಮಾರ್ ಒಂಜಿ ತಿಂಗೊಲು ವಿದ್ಯಾರ್ಥಿಲೆಗ್ ಸ್ಟಡಿ ಹಾಲಿಡೇ ಕೊರೊಂದಿತ್ತೆರ್. ಆಂಡ ಈ ವ್ಯವಸ್ಥೆಡ್ ಎನ್ನಿನ ಫಲಿತಾಂಶ ಬರೊಂದಿಜ್ಜಿ ಪನ್ಪಿ ನೆವನೊಗು ಇಲಾಖೆ ಪೊಸ ಮಾರ್ಗಸೂಚಿ ಕೊರ್ತುಂಡು. ಫೆಬ್ರವರಿ 26 ಮುಟ್ಟ ಕಾಲೇಜ್ ನಡಪಾಯೆರ ಇಲಾಖೆ ನಿರ್ಧಾರ ಮಲ್ತಿತ್ತ್ದ್, ವಿದ್ಯಾರ್ಥಿಲೆಗ್ ಕಾಲೇಜ್ಡೇ ಉಪಾನ್ಯಾಸಕೆರೆ ಮುತಾಲಿಕೆಡೇ ಮುಖ್ಯ ಪರೀಕ್ಷೆಗ್ ಕಲ್ಪೆರ ಸೂಚನೆ ಕೊರ್ತುಂಡು.
ಉಪನ್ಯಾಸಕೆರೆ ಮುತಾಲಿಕೆಡ್ ಗ್ರೂಪ್ ಸ್ಟಡಿ ವ್ಯವಸ್ಥೆ ಮಲ್ಪೆರೆ ಇಲಾಖೆ ಪಿದಡ್ದ್ಂಡ್. ರಿವಿಷನ್, ಡೌಟ್ ಕ್ಲಿಯರೆನ್ಸ್, ಪ್ರಶ್ನೋತ್ತರ ಚರ್ಚೆಲೆನ ಮುಕೇನ ಜೋಕುಲೆನ್ ಪರೀಕ್ಷೆಗ್ ರೆಡಿ ಮಲ್ಪೊಡು ಪನ್ದ್ ಕಾಲೇಜ್ಲೆಗ್ ಸೂಚನೆ ಕೊರ್ತೆರ್. ಉಪನ್ಯಾಸಕೆರ್ಲಾ ಪರೀಕ್ಷೆ ಮುಗಿಪುನೇಟ ಕಡ್ಡಾಯವಾದ್ ಕಾಲೇಜ್ಗ್ ಬರೊಡು ಪನ್ದ್ ಆದೇಶ ಮಲ್ದೆರ್. ಈ ಪೊಸ ಕ್ರಮೊರ್ದಾವರ ವಿದ್ಯಾರ್ಥಿಲೆನ ಶೈಕ್ಷಣಿಕ ಗುಣಮಟ್ಟ ಎಚ್ಚ ಆವು ಅಂಚೆನೇ ಸೆಕೆಂಡ್ ಪಿಯುಸಿ ಫಲಿತಾಂಶ ಸುದಾರು ಪನ್ಪಿ ವಿಶ್ವಾಸೊನು ಪದವಿ ಪೂರ್ವ ಶಿಕ್ಷಣ ಇಲಾಖೆ ದೀವೊಂದುಂಡು.