Last updated on January 27th, 2026 at 09:52 am
ಕುಡ್ಲ, ಜ. 27: ದೋಸ್ತಿನ ಒಟ್ಟುಗು ಕುಡ್ಲಗ್ ಬೇಲೆ ನಾಡೊಂದು ಬತ್ತಿನ ಜವನೆ ಒರಿ ಬೇಲೆ ತಿಕ್ಕಂದಿನೆರ್ದಾವರ ಬೆಸರ್ಡ್ ಒಂಜಿ ಮರ ಬರ್ತ್ದ್ ಕುಲ್ಲುದು ಒಂತೆ ಪೊರ್ತು ಆತಂಕ ಉಂಡು ಮಲ್ತಿನ ನಡಕೆ ಕರಂಗಲಪಾಡಿಡ್ ಸೋಮವಾರ ನಡತ್ದ್ಂಡ್.
ಬಾಗಲಕೋಟೆದ ಹುನಗುಂದ ನಿವಾಸಿ ಭೀಮಪ್ಪ ತಳವಾರ್ (24) ಮರ ಮಿತ್ತರ್ದ್ ಕುಲ್ದಿನಾಯೆ. ಉಂಬ್ಯನ ಊರುದಕುಲು ಕುಡ್ಲಡ್ ಬೇಲೆ ಮಲ್ತೊಂದಿತ್ತ್ದ್, ಅಕ್ಲೆನ ಒಟ್ಟುಗು ಬೇಲೆ ತಿಕ್ಕು ಪನ್ದ್ ಎನ್ನೊಂದು ಕುಡ್ಲಗ್ ಬತ್ತಿತ್ತೆ. ಇಡೆ ಬತ್ತ್ದ್ ತನ್ನ ಗುರ್ತದಕ್ಲೆನ್ ಸಂಪರ್ಕ ಮಲ್ಪುನಗ ಅಕುಲು ಊರುಗು ಪಿರ ಪೋದು ಆದಿತ್ತ್ಂಡ್. ಅಂಚಾದ್ ಬೇಲೆದಾಂತಿನ ಬೆಸರ್ಡ್ ಮರ ಬರ್ತ್ದ್ ಕುಲ್ದಿತ್ತೆ.
ಅಲ್ಪದಕುಲು ಆಯನ್ ಮರರ್ದ್ ಜಪ್ಪಾಯೆರ ಪಾಕ ಪುನೆಯೆರ್ನ್ಡಲಾ ಜಪ್ಪಾಯೆರೆ ಆತಿಜಿ. ಕಡೆಕ್ ಕದ್ರಿ ಪೊಲೀಸೆರ್ ಬತ್ತ್ದ್ ಜವನನ್ ಎಂಚಾಂಡಲಾ ತಿರ್ತ್ ಜಪುಡಾದೆರ್. ಮರ ಜತ್ತಿ ಬೊಕ್ಕ ಆಯನ್ ತಪಾಸಣೆಗ್ ವೆನ್ಲಾಕ್ ಆಸ್ಪತ್ರೆಗ್ ಲೆತೊಂದು ಪೋತೆರ್ ಪನ್ದ್ ತೆರಿದ್ ಬೈದ್ಂಡ್.