Last updated on January 28th, 2026 at 12:03 pm
ಪುತ್ತೂರು, ಜ. 28: ಮಾದಕ ಸೊತ್ತು ಎಂಡಿಎಂಎ ನ್ ಕೊನೊವೊಂದಿತ್ತಿನ ನಾಲ್ವೆರ್ ಆರೋಪಿಲೆನ್ ಪುತ್ತೂರು ಗ್ರಾಮಾಂತರ ಪೊಲೀಸೆರ್ ಬೆಟ್ಟಂಪಾಡಿ, ಇರ್ದೆ, ರೆಂಜ, ಅರ್ಲಪದವು ಪರಿಸರೊಡೆ ಅರೆಸ್ಟ್ ಮಲ್ತ್ದೆರ್.
ಕೈದಾತಿನಕ್ಲೆನ್ ಪುತ್ತೂರು ನಿವಾಸಿಲಾಯಿನ ಮುಹಮ್ಮದ್ ಅರ್ಷದ್ (33), ಮಹಮ್ಮದ್ ಹಾರಿಸ್(31), ಇಬ್ರಾಹೀಂ ಅಶ್ರಫ್ ಅಲಿಯಾಸ್ ರೋಜಾ ಅಶ್ರಫ್ (46) ಬೊಕ್ಕ ಆರೋಪಿಲೆಗ್ ಎಂಡಿಎಂಎ ಸಪ್ಲೈ ಮಲ್ತೊಂದಿತ್ತಿನ ಆರೋಪಡ್ ಬಂಟ್ವಾಳ ನಿವಾಸಿ ಮುಸ್ತಫ (46) ಪನ್ದ್ ಗುರ್ತ ಪತ್ತ್ದೆರ್.
ಆರೋಪಿಲೆ ಕೈರ್ದ್ ಅಂದಾಜಿ ರೂ.50,000 ಮೌಲ್ಯೊದ 6.39 , 0.87 ಡ್ರಗ್ಸ್, ಮೊಬೈಲ್ ಫೋನ್ಲು ಬೊಕ್ಕ ಕೃತ್ಯೊಗು ಗಲಸ್ದಿನ ಅಂದಾಜಿ ರೂ.6 ಲಕ್ಷ ಮೌಲ್ಯೊದ ರಡ್ಡ್ ಕಾರ್ ಸೇರ್ದ್ ಸುಮಾರ್ 6.50 ಲಕ್ಷ ರೂ. ಮೌಲ್ಯೊದ ಸೊತ್ತುಲೆನ್ ವಶೊಕು ಗೆತೊಂದೆರ್. ಈ ಬಗೆಟ್ ಪುತ್ತೂರು ಗ್ರಾಮಾಂತರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಪುತ್ತೂರು ಗ್ರಾಮಾಂತರ ಪೊಲೀಸ್ ಸ್ಟೇಶನ್ದ ಪೊಲೀಸ್ ಉಪನಿರೀಕ್ಷಕೆ ಗುಣಪಾಲ ಜೆ. ಮೆರೆನ ಮುತಾಲಿಕೆಡ್ ನಡತಿನ ಕಾರ್ಯಾಚರಣೆಡ್ ಉಪ ನಿರೀಕ್ಷಕೆದಿ ಸುಷ್ಮಾ ಭಂಡಾರಿ, ಸಿಬ್ಬಂದಿಲಾಯಿನ ಮುರುಗೇಶ್ ಪರಮೇಶ್ವರ್, ಸತೀಶ್, ಸುಬ್ರಹ್ಮಣ್ಯ, ಹರೀಶ್, ನಾಗೇಶ್, ಭವಿತ್ ರೈ, ವಿನೋದ್, ನಾಗರಾಜ್, ಕಾರ್ತಿಕ್ ಬೊಕ್ಕ ವಿಶೇಷ ಕೂಟೊದ ಸಿಬ್ಬಂದಿ ಅದ್ರಾಮ್, ಪ್ರಶಾಂತ್ ಎಂ., ಪ್ರವೀಣ್ ರೈ, ಪ್ರಶಾಂತ್ ರೈ, ಹರ್ಷಿತ್, ಸಂಪತ್ ಬೊಕ್ಕ ಸೋಕೋ ಕೂಟೊದಕುಲು ಪಾಲ್ಪಡೆಯೆರ್.