Last updated on February 4th, 2026 at 07:27 pm
ಕಾಸ್ರೋಡ್: ಅಪ್ಪೆನ ಮಿರೆಪೇರ್ ದೊಂಡೆಡ್ ತಿಕೊಂದಿನೆರ್ದಾವರ 50 ದಿನೊತ ಪುರುಬಾಲೆ ಒಂಜಿ ತೀರ್ದಿನ ನಡಕೆ ಕಾಸ್ರೋಡ್ಡ್ ನಡತ್ದ್ಂಡ್.
ಮೊಗ್ರಾಲ್ ಪೇರಾಲ್ ಮಡಿಮೊಗೇರ್ ನಿವಾಸಿಲಾಯಿನ ಮುಹಮ್ಮದ್ ರಾಹಿದ್ ಬೊಕ್ಕ ಮರಿಯಮ್ಮತ್ ಸಾಬಿರಾ ದಂಪತಿಲೆನ ಆಣ್ಬಾಲೆ ಲಸಿನ್ ಇಮಾತ್ ತೀರ್ದಿನ ಬಾಲೆ.
ಸೋಮವಾರ ರಾತ್ರೆ ಇಲ್ಲಡ್ ಬಾಲೆಗ್ ಪೇರ್ ಪರ್ಪಾನಗ ಈ ನಡಕೆ ನಡತ್ದ್ಂಡ್. ಬಾಲೆದ ಸ್ಥಿತಿ ತೆಟ್ಟೊಂದುಪ್ಪುನ ತೂದು ಅಪ್ಪೆಅಮ್ಮೆ ಅಪಗನೇ ಕಾಸ್ರೋಡ್ದ ಸರ್ಕಾರಿ ಜನರಲ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಅಡೆ ಎತ್ತ್ನಗ ಬಾಲೆ ತೀರ್ದಿತ್ತ್ಂಡ್ ಪನ್ದ್ ಬೈದ್ಯೆರ್ ತೆರಿಪಾದೆರ್.
ರಡ್ಡ್ ದಿನೊಟು ರಡ್ಡ್ ಜೋಕುಲು ಬಲಿ:
ಪೋಡಿಗೆದ ವಿಷಯ ದಾದ ಪನ್ಡ ಕಾಯೆರ್ಕೋಡ್ ಜಿಲ್ಲೆಡ್ ಕಾಲಿ ರಡ್ಡ್ ದಿನೊತ ಅಂತರೊಡು ಇಂಚಿನ ರಡ್ಡ್ ಸಾವು ನಡತ್ದ್ಂಡ್. ಕರಿನ ಐತಾರ ರಾತ್ರೆಲಾ ಬೇಕಲ ಹದಾದ್ ನಗರ ನಿವಾಸಿ ಮುಹಮ್ಮದ್ ಹನೀಫ್ ಪನ್ಪಿನಾರೆನ ಆಣ್ ಬಾಲೆಲಾ ಅಪ್ಪೆನ ಮಿರೆಪೇರ್ ದೊಂಡೆಡ್ ತಿಕೊಂದಿನೆರ್ದಾವರ ತೀರ್ದಿತ್ತ್ಂಡ್. ಈ ಬೆರೆಬೆರಿ ಸಾವುಲು ಜಿಲ್ಲೆದ ಅಪ್ಪೆಯರ್ಲೆಡ ಬೊಕ್ಕ ಸಾರ್ವಜನಿಕೆರೇಡ ಪೋಡಿಗೆ ಉಂಡು ಮಲ್ದ್ಂಡ್. ಜೋಕುಲೆಗ್ ಪೇರ್ ಪರ್ಪಾನಗ ಜಾಗ್ರ್ತೆ ಮಲ್ಪೆರ ಡಾಕ್ಟರ್ನಕುಲು ಪನ್ತೆರ್.