Last updated on February 5th, 2026 at 11:32 am
ಕುಡ್ಲ, ಫೆ. 05: ಪೇಂಟೆದ ಪಚ್ಚನಾಡಿ ಪ್ರದೇಶೊದ ರೈಲ್ವೇ ಪಟ್ಟೆದ ಕೈತಲ್ ಒರಿ ಜವನನ ಪುನ ತಿಕ್ಕ್ದಿನ ನಡಕೆ ಅಂಗಾರೆ ಬೊಲ್ಪುಗ್ ಬೈದ್ಂಡ್. ತೀರ್ದಿನಾರೆನ್ ಪಚ್ಚನಾಡಿ ಬಂದಲೆ ನಿವಾಸಿ ಬಬಿತ್ ಪನ್ದ್ ಗುರ್ತ ಪತ್ತ್ದೆರ್.
ಸಾವುದ ಬಗೆಟ್ ಪಾಕ ಅನುಮಾನೊಲು ತೋಜೊಂದಿತ್ತ್ದ್, ಪ್ರಕರಣ ಸಂಶಯಾಸ್ಪದ ಆದುಪ್ಪುನೆರ್ದಾವರ ಪೊಲೀಸೆರ್ ಜಡ್ತೆ ಸುರು ಮಲ್ತ್ದೆರ್. ಜಾಗೆಡ್ ಬ್ಯಾಗ್ ಸೇರ್ದ್ ತೀರ್ದಿನಾರೆಗ್ ಸೇರ್ದಿನ ಬೇತೆ ಸೊತ್ತುಲು ತಿಕ್ಕ್ದಿತ್ತ್ದ್, ಈ ನಡಕೆಗ್ ಸಂಬಂಧಿತ್ದ್ ಎಚ್ಚಿಗೆ ಒಲವು ಒಟ್ಟು ಮಲ್ತೊಂದುಲ್ಲೆರ್.
ಪುನೊನು ಮರಣೋತ್ತರ ಪರೀಕ್ಷೆಗ್ ಕಡಪುಡ್ದಿತ್ತ್ದ್, ಸಾವುದ ಪತ್ತ ನೆವನ ಜಡ್ತೆರ್ದ್ ಬೊಕ್ಕನೇ ತೆರಿದ್ ಬರೊಡಾತೆ. ಪ್ರಕರಣೊಗು ಸಂಬಂಧಿತ್ದ್ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.