Last updated on February 8th, 2026 at 09:48 am
ಬೆದ್ರ, ಫೆ. 08: ಹರಿಯಾಣದ ಮಹರ್ಷಿ ದಯಾನಂದ ವಿಶ್ವವಿದ್ಯಾನಿಲಯೊಡು ಫೆಬ್ರವರಿ 2 ರ್ದ್ ಫೆಬ್ರವರಿ 7 ಮುಟ್ಟ ನಡತಿನ ಸ್ಪೆಷಲ್ ಒಲಿಂಪಿಕ್ಸ್ ರಾಷ್ಟ್ರಮಟ್ಟದ ಕ್ರೀಡಾಕೂಟೊಡು ಬೆದ್ರದ ಸ್ಪೂರ್ತಿ ವಿಶೇಷ ಸಾಮರ್ತಿಗೆದ ಶಾಲೆದ ಸಹಳಾ ರಡ್ಡ್ ಬಂಗಾರ್ ಬೊಕ್ಕ ಒಂಜಿ ಕಂಚಿ ಸೇರ್ದ್ ಮೂಜಿ ಪದಕೊಲೆನ್ ಗೆಂದ್ದ್ ಸಂಸ್ಥೆಗ್ ಬೊಕ್ಕ ತುಳುನಾಡ್ಗ್ ಪೆರ್ಮೆ ಕನತ್ದೆರ್.
ಸಹಳಾ ಜೂನಿಯರ್ ವಿಭಾಗೊಡು ಗೊಬ್ಬುದು ಶಾಟ್ ಪುಟ್ ಬೊಕ 4×100 ಮೀ ಮಿಕ್ಸ್ಡ್ ರಿಲೇ ಪಂತೊಡು ಕಡೀರ ತಾನೊಡು ಗೆಂದ್ದ್ 2 ಬಂಗಾರ್ದ ಪದಕೊಲು ಬೊಕ 200 ಮೀ ಬಲಿಪುಡು ಮೂಜನೇ ತಾನೊಡು ಗೆಂದ್ದ್ ಕಂಚಿದ ಪದಕೊನು ಗೆಂದ್ದೆರ್. ರಾಷ್ಟ್ರಮಟ್ಟೊಡು ಈತ್ ಮಲ್ಲ ಸಾದಗೊ ಬೆನ್ತಿನ ಸಹಳಾ ಗ್ ತುಳುಸಮಾಚಾರ ದ ಪರವಾದ್ ಎಡ್ಡೆಪ್ಪುಲೆನ್ ಬಯಕೊಂದುಲ್ಲ.
ಈ ವಿಶೇಷ ಗೊಬ್ಬುಕೂಟೊಡು 27 ರಾಜ್ಯೊಲೆರ್ದ್ ಸುಮಾರ್ 500 ಜನ ವಿಶೇಷ ಪಂತೊದಾಲ್ಲ್ ಪಾಲ್ಪಡೆದಿತ್ತೆರ್.