Last updated on February 11th, 2026 at 07:58 am
ಇಟ್ಟೆಲ್, ಫೆ. 10: ಪೋವೊಂದಿತ್ತಿನ ರೈಲ್ರ್ದ್ ಬೂರ್ದ್ ಪುತ್ತೂರು ಮೂಲೊದ ಜವನೆ ಒರಿ ತೀರ್ದಿನ ನಡಕೆ ಚೆನ್ನರಾಯಪಟ್ಟಣದ ಕೈತಲ್ ನಡತ್ದ್ಂಡ್ .
ತೀರ್ದಿನಾರೆನ್ ಪುಣಚ ಗ್ರಾಮೊದ ದೇವಿನಗರ ನಿವಾಸಿ ನಿಶಿತ್ ನಾಯ್ಕ್ (25) ಪನ್ದ್ ಗುರ್ತ ಪತ್ತ್ದೆರ್.
ಬೆಂಗಳೂರ್ದ ಕಲ್ಯಾಣ್ ಜ್ಯುವೆಲ್ಲರ್ಸ್ಡ್ ಬೇಲೆ ಮಲ್ತೊಂದಿತ್ತಿನ ನಿಶಿತ್ ಮೇರ್ ಪುತ್ತೂರ್ ವಿವೇಕಾನಂದ ಮಹಾವಿದ್ಯಾಲಯೊದ ಪರ ವಿದ್ಯಾರ್ಥಿ. ರಾಷ್ಟ್ರ ಮಟ್ಟೊದ ಕಬಡ್ಡಿ ಗೊಬ್ಬುಗಾರೆ ಆದ್ಲಾ ಪುದರ್ ಮಲ್ತಿತ್ತೆರ್.
ಇಲ್ಲಡೆ ಬರ್ಯೆರ ಸೋಮಾರ ರಾತ್ರೆ ಬೆಂಗಳೂರ್ರ್ದ್ ರೈಲ್ ಬರ್ತ್ದಿತ್ತೆರ್. ಜನರಲ್ ಕೋಚ್ಡ್ ಬರ್ಂದಿತ್ತಿನ ಮೇರ್, ಸುಮಾರ್ 2.30ತ ಅಂದಾಜಿಗ್ ರೈಲ್ರ್ದ್ ಬೂರ್ದೆರ್ ಪನ್ದ್ ತೆರಿದ್ ಬೈದ್ಂಡ್.