Last updated on February 11th, 2026 at 01:41 pm
ಇಟ್ಟೆಲ್, ಫೆ. 11: ಇರ್ವೆರ್ ಐಟಿಐ ಕಲ್ಪುನ ಜವನೆರೆ ನಡುಟು ಒವ್ವಾ ನೆವನೊಗು ಲಡಯಿ ಆದ್, ಕ್ಲಾಸ್ರೂಮ್ದ ಉಲಯಿಡೇ ಬೀಸತ್ತಿ ಪಾಡ್ದಿನ ನಡಕೆ ಇಟ್ಟೆಲ್ದ ಒಂಜಿ ಐಟಿಐ ಕಾಲೇಜ್ಡ್ ನಡತ್ದ್ಂಡ್.
ಬೀಸತ್ತಿ ಪಾಡ್ದಿನೆರ್ದಾವರ ಪುತ್ತೂರು ಬನ್ನೂರು ನಿವಾಸಿ ಮಹಮ್ಮದ್ ರಿಯಾನ್(18) ಬೊಕ್ಕ ಮಂಜೇಶ್ವರ ದೈಗೋಳಿ ನಿವಾಸಿ ಯಜೇಶ್ ಪನ್ಪಿನಕುಲೆಗ್ ಗಡಿಕುಲಾದಿತ್ತ್ದ್, ಇಟ್ಟೆಲ್ದ ಸಮುದಾಯ ಆರೋಗ್ಯ ಕೇಂದ್ರೊಡು ಮರ್ದ್ ನಡತೊಂದುಂಡು.
ಒಂಜಿನೇ ವರ್ಸೊದ ಎಲೆಕ್ಟ್ರಿಷಿಯನ್ ಐಟಿಐ ಕಲ್ತೊಂದುಪ್ಪುನ ಮಹಮ್ಮದ್ ರಿಯಾನ್ ಬೊಕ್ಕ ವಿಟ್ಲ ನಿವಾಸಿ ಹೇಮಂತ್ ಪನ್ಪಿನಕ್ಲೆ ನಡುಟು ಲಡಯಿ ಆದಿತ್ತ್ಂಡ್. ಅವೆನ್ ಉಂತಾಯೆರೆ ಬತ್ತಿನ ಕುಡೊರಿ ವಿದ್ಯಾರ್ಥಿ ಯಜೇಶ್ ಗ್ಲಾ ಗಡಿಯಾತ್ಂಡ್.
ಜಾಗೆಗ್ ಇಟ್ಟೆಲ್ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತೊಂದುಲ್ಲೆರ್.