Last updated on February 12th, 2026 at 09:36 am
ಬೆಂಗಳೂರು, ಫೆ. 12: ತನನ್ ಪೆದ್ದಿನ ಅಪ್ಪೆ ಅಮ್ಮನ್ ಮಗೆನೇ ಬೀಸತ್ತಿ ಪಾಡ್ದ್ ಬರ್ಬರವಾದ್ ಕೆರ್ತಿನ ನಡಕೆ ಬೆಂಗಳೂರ್ದ ವಿಜ್ಞಾನ ನಗರದ ಅಪಾರ್ಟ್ಮೆಂಟ್ ಒಂಜೆಟ್ ನಡತ್ದ್ಂಡ್.
60 ವರ್ಸೊದ ರಿಟೈರ್ಡ್ ನೇವಿ ಕ್ಯಾಪ್ಟನ್ ನವೀನ್ ಚಂದ್ರ ಭಟ್, 55 ವರ್ಸೊದ ಬೊಡೆದಿ ಡಾ.ಶ್ಯಾಮಲಾ ಭಟ್ ತೀರ್ದಿನಕುಲು. ಸ್ವಂತ ಸಾಫ್ಟ್ವೇರ್ ಕಂಪನಿ ಇತ್ತಿನ ಮಗೆ ರೋಹನ್ ತಾರಾಮರ ಬೀಸತ್ತಿ ಪಾಡ್ದೆ. ಗಾತಿದ ಗಡಿಕುಲಾತಿನ ಇರ್ವೆರೆನ್ ಮರ್ದ್ಗ್ ಮಣಿಪಾಲ್ ಆಸ್ಪತ್ರೆಗ್ ದಾಕಲ್ತ್ದಿತ್ತೆರ್.
ಮರ್ದ್ ಪಲಿಪಂದೆ ಕಂಡನೆ-ಬೊಡೆದಿ ಇರ್ವೆರ್ಲಾ ತೀರ್ದೆರ್. ಪುನೊಕ್ಲೆನ್ ಬೌರಿಂಗ್ ಆಸ್ಪತ್ರೆಗ್ ಕಡಪುಡ್ದೆರ್. ಆರೋಪಿ ರೋಹನ್ ಭಟ್ ನ್ ಹೆಚ್ಎಎಲ್ ಪೊಲೀಸೆರ್ ಕೈದ್ ಮಲ್ತಿತ್ತ್ದ್, ವಿಚಾರಣೆ ಮಲ್ತೊಂದುಲ್ಲೆರ್.