Last updated on February 19th, 2026 at 10:48 am
ಕುಡ್ಲ, ಫೆ. 13: ಕುಡ್ಲ ಪೇಂಟೆಗ್ ಬೆಂಗಳೂರ್ರ್ದ್ ನಿಷೇದಿತ ಮಾದಕ ಸೊತ್ತು ಎಂಡಿಎಂಎ ಕನತ್ದ್ ಅವೆನ್ ಮುಲ್ಪದ ಸಾರ್ವಜನಿಕೆರೆಗ್ ಬೊಕ್ಕ ವಿದ್ಯಾರ್ಥಿಲೆಗ್, ಬೊಞ್ಞ ರಂಗ್ದ ಸ್ವಿಫ್ಟ್ ಕಾರ್ಡ್ ಉಳ್ಳಾಲ ತಾಲೂಕ್ದ ತಲಪಾಡಿದವೆಟೆ ಮಾರೊಂದಿತ್ತಿನ ಮೂವೆರೆನ್ ಪೊಲೀಸೆರ್ ಕೈದ್(arrest) ಮಲ್ತ್ದೆರ್.
ಈ ಬಗೆಟ್ ಪತ್ತ ಒಲವು(ಮಾಹಿತಿ) ಇತ್ತ್ದ್ ಕುಡ್ಲ ಸಿಸಿಬಿ ಪೊಲೀಸೆರ್ ಫೆ. 12 ತಾನಿ ಎಂಡಿಎಂಎ ಮಾರೊಂದಿತ್ತಿನ ಕಾರ್ನ್ ನಾಡ್ಪತ್ತ್ದ್, ಆರೋಪಿಲಾಯಿನ ಉಳ್ಳಾಲ ಗಣೇಶ್ ಬೀಡಿ ವರ್ಕ್ಸ್ ಕೈತಲ್ದ ಬಸ್ತಿಪಡ್ಪು ನಿವಾಸಿ ಮುಸ್ತಫಾ ಸೀದಿಯಬ್ಬ(34), ಉಳ್ಳಾಲ ಕೋಡಿ, ಡಿ ರೋಡ್ ನಿವಾಸಿ ಮೈಯದ್ದಿ(28), ಉಳ್ಳಾಲದ ಮುಕ್ಕಚೇರಿ, ಮೊಹಮ್ಮದ್ ಕಂಪೌಂಡ್ ನಿವಾಸಿ ಮೊಹಮ್ಮದ್ ಶಿಫಾನ್(28) ನ್ ಉಲಕೈ (ವಶ) ಮಲ್ತೊಂದೆರ್.
11,90,000 ರೂ. ಮೌಲ್ಯೊದ 118.13 ಗ್ರಾಂ ತೂಕೊದ ಎಂಡಿಎಂಎ, 4 ಮೊಬೈಲ್ ಫೋನ್, ಸ್ವಿಫ್ಟ್ ಕಾರ್ ಸೇರ್ದ್ ಒಟ್ಟು 17,95,000 ರೂ. ಮೌಲ್ಯೊದ ಸೊತ್ತುಲೆನ್ ಪೊಲೀಸೆರ್ ಸ್ವಾಧೀನ ಲ್ತೊಂದೆರ್. ಈ ಬಗೆಟ್ ಉಳ್ಳಾಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಕಲಾತ್ಂಡ್.