Last updated on February 14th, 2026 at 05:28 am
ಪುತ್ತೂರು, ಫೆ 14: ಎಣ್ಮ ತಿಂಗೊಲುಗು ದುಂಬು ಆರ್ಯಾಪು ಗ್ರಾಮೊದ ಸಂಟ್ಯಾರ್ದ ಆಂಜೊವು ಒರಿಯಗ್ ಫೋನ್ ಮಲ್ತ್ದ್ ಒಟಿಪಿ ಗೆತೊಂದು ದಗೆ ಮಲ್ದಿನ ಪ್ರಕರಣೊದ ಆರೋಪಿನ್ ಪೊಲೀಸೆರ್ ಪತ್ತ್ದೆರ್.
ಮಹಾರಾಷ್ಟ್ರ ಮೂಲೊದ, ಇತ್ತೆ ಮಂಡ್ಯ ಕೃಷ್ಣರಾಜ ಪೇಟೆಡ್ ಇಪ್ಪುನ ಅವಿನಾಶ್ ರಮೇಶ್ ಗೌಡೆ ಕೈದಾತಿನ ಆರೋಪಿ.
ಫೆ.11ತಾನಿ ಪೊಲೀಸೆರ್ ಆಯನ್ ಪತ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್ ನ್ಯಾಯಂತಡೆ ಆರೋಪಿಗ್ ನ್ಯಾಯಾಂಗ ಕೈದ್ ಕೊರ್ತುಂಡು.
ನಡಕೆದ ಒಲವು:
ಆರ್ಯಾಪು ಗ್ರಾಮೊದ ಸಂಟ್ಯಾರು ನಿವಾಸಿ ಯಶೋಧರ ಗೌಡ ಪನ್ಪಿನಾರ್ ಪೊಲೀಸೆರೆಡ ಬರೆಪಾದಿನ ಒಯಿಲ್ದ ಪ್ರಕಾರ, 2025ಯ ಜೂ.17ತಾನಿ ಒರಿ ಫೋನ್ ಮಲ್ತ್ದ್, ಯಾನ್ ಇನ್ನೂರೆನ್ಸ್ ಕಂಪೆನಿರ್ದ್ ಪಾತೆರೊಂದುಲ್ಲೆ, ಐಕ್ ಕಾಸ್ ಕಟ್ಟೊಡು ಪನ್ದ್ ತೆರಿಪಾದೆ. ಅವೆರ್ದ್ ಬೊಕ್ಕ ಬೇತೆ ಬೇತೆ ಮೊಬೈಲ್ ನಂಬರ್ಲೆಡ್ ಆಯೆ ಫೋನ್ ಮಲ್ತ್ದೆ. ಬೊಕ್ಕ ಕ್ರೆಡಿಟ್ ಕಾರ್ಡ್ ನಂಬರ್ ಬೊಕ್ಕ ಒಟಿಪಿ ಗೆತೊಂದು 2,37,036 ರೂ.ನ್ ಬೇತೆ ಅಕೌಂಟ್ಗ್ ಕಡಪುಡೊಂದೆ ಪನ್ದ್ ಒಯಿಲ್ಡ್ ಬರೆಪಾದೆರ್.