Last updated on February 20th, 2026 at 08:41 am
ಒಡಿಪು, ಫೆ. 20: ಕಸಾಯಿಖಾನೆಗ್ ಮಾರುನ ಉದ್ದೇಶ ದೀವೊಂದು ಪೆತ್ತದ ಕಂಜಿನ್ ಕನ್ಡ್ದಿನ ಆರೋಪಡ್ ಪೆರಿಯಡ್ಕ ಪೊಲೀಸೆರ್ ಇರ್ವೆರೆನ್ ಕೈದ್ ಮಲ್ತ್ದೆರ್.
ಫೆಬ್ರವರಿ 17 ತಾನಿ ಈ ನಡಕೆ ನಡತಿತ್ತ್ದ್, ಪೆರ್ಡೂರು ಗ್ರಾಮೊದ ಪಾಡಿಗಾರದ ಮಾತೃಶ್ರೀ ನಿಲಯದ ನಿವಾಸಿ ರಾಘವೇಂದ್ರೆ (36) ಬೊಕ್ಕ ಪೆರ್ಡೂರು ಗ್ರಾಮೊದ ನೀಲಶ್ರೀ ನಿವಾಸಿ ಸುಧೀಂದ್ರ ಶೆಟ್ಟಿ (36) ಪನ್ದ್ ಗುರ್ತ ಪತ್ತ್ದೆರ್.
ಪೆರ್ಡೂರು ದೇವಸ್ಥಾನೊದ ಎದುರುದ ಕಂಡೊರ್ದು ಕಂಜಿನ್ ಕನ್ಡ್ದೆರ್. KA 20 AA 9306 ರೆಜಿಸ್ಟ್ರೇಷನ್ದ ಆಟೋರಿಕ್ಷಾಡ್ ಅಕುಲು ಕಂಜಿನ್ ಕೊನೊಯೆರ ತೂತೆರ್ ಪನ್ದ್ ವರದಿ ಆತ್ಂಡ್.
ಪೆರಿಯಡ್ಕ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್. ಒಡಿಪು ಉಪವಿಭಾಗೊದ ಉಪ ಪೊಲೀಸ್ ವರಿಷ್ಠಾಧಿಕಾರಿ ಬೆಳ್ಳಿಯಪ್ಪ ಕೆಯು ಮೆರೆನ ನಿರ್ದೇಶನೊಡು ಬೊಕ್ಕ ಬೆರ್ಮಾವರ ವೃತ್ತ ನಿರೀಕ್ಷಕೆ ಗೋಪಿಕೃಷ್ಣೆ ಮೆರೆನ ಮಾರ್ಗದರ್ಶನೊಡು, ಪಿಎಸ್ಐ (ಕಾನೂನು ಬೊಕ್ಕ ಸುವ್ಯವಸ್ಥೆ) ಪುನೀತ್ ಕುಮಾರ್ ಬಿಇ ಬೊಕ್ಕ ಪಿಎಸ್ಐ (ಜಡ್ತೆ) ವಿಠ್ಠಲ್ ಮಳವಾಡಕರ್ ಮುತಾಲಿಕೆದ ಪೊಲೀಸ್ ಕೂಟ, ಸಿಬ್ಬಂದಿಲಾಯಿನ ಎಎಸ್ಐ ಶೈಲೇಶ್ ಕುಮಾರ್ ಬೊಕ್ಕ ರಮೇಶ್ ಮೊಕುಲು ಆರೋಪಿಲೆನ್ ಕೈದ್ ಮಲ್ತ್ದ್ ರಿಕ್ಷಾನ್ ಉಲಕೈ ಮಲ್ತೊಂದೆರ್.
ಆರೋಪಿಲೆನ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ಅಕ್ಲೆಗ್ 15 ದಿನೊತ ನ್ಯಾಯಾಂಗ ಕೈದ್ ಕೊರ್ತುಂಡು.