Last updated on March 2nd, 2026 at 08:57 pm
ಕುಡ್ಲ, ಮಾ. 02: ಸಾಮಾಜಿಕ ಬಲೆತ್ತಾನೊಡು ಪೋಸ್ಟ್ ಒಂಜೆತ ಕಮೆಂಟ್ ಡ್ ‘ಸಪೋರ್ಟ್ ಮಲ್ಪುಲೆ ಬ್ರೋ. ಉಳ್ಳಾಲ ಪಲ್ಲಿದ ಕೈತಲ್ ಬಾಂಬ್ ಬ್ಲಾಸ್ಟ್ ಮಲ್ಪುವೆ’ ಪನ್ದ್ ಪನ್ಡಿನಾಯನ ಮಿತ್ತ್ ಇತ್ತೆ ಉಳ್ಳಾಲ ಪೊಲೀಸ್ ಸ್ಟೇಶನ್ಡ್ ಎಫ್ಐಆರ್ ದಾಕಲಾತ್ಂಡ್. ಆರೋಪಿನ್ ಪೊಲೀಸೆರ್ ನಾಡೊಂದುಲ್ಲೆರ್.
ಫೇಸ್ಬುಕ್ಡ್ ಬೇತೆ ಏರೋ ಪಟ್ಟೊಂದಿನ ಪೋಸ್ಟ್ಗ್ ‘ಶಂಕರ್11916’ ಪನ್ಪಿ ಅಕೌಂಟ್ ಗಲಸ್ದ್ ಇಂಚ ಕಮೆಂಟ್ ಮಲ್ತ್ದೆರ್. ಮೊಹಮ್ಮದ್ ರಿಯಾಜ್ ಕಡಂಬು ಮೇರ್ ಈ ಬಗೆಟ್ ಫೇಸ್ಬುಕ್ಡ್ ಒಲವು ಪಟ್ಟೊಂದು, ‘ಆರೋಪಿನ್ ಪೊಲೀಸೆರ್ ಇತ್ತೆನೇ ಕೈದ್ ಮಲ್ಪೆರ್ ಪನ್ದ್ ಎನ್ನುವೆ. ಒಯ್ಕ್ಲಾ ಉಳ್ಳಾಲ ಪಲ್ಲಿದಡೆ ಬಾಂಬ್ ಪತ್ತೆ ದಳೊನು ಕಡಪುಡ್ದ್ ತೂಲೆ’ ಪನ್ದ್ ಒತ್ತಾಯ ಮಲ್ತ್ದೆರ್.
ಈ ಒಲವು ಪಟ್ಟೊಂಡಿನೆಕ್ ಸೊಲ್ಮೆ ಸಂದಾಯಿನ ನಗರ ಪೊಲೀಸ್ ಕಮಿಷನರ್ ಸುಧೀರ್ ಕುಮಾರ್ ರೆಡ್ಡಿ, ‘ಉಳ್ಳಾಲ ಪಲ್ಲಿದ ಕೈತಲ್ ಬಾಂಬ್ ಪುಡಪುವೆ ಪನ್ಪಿ ಸೊಲ್ಲಂಜೊನು ಸಾಮಾಜಿಕ ಬಲೆತ್ತಾನೊಡು ಪಾಡ್ದಿನವು ಅಪರಾಧ. ಉಳ್ಳಾಲ ಸ್ಟೇಶನ್ದ ಪೊಲೀಸೆರ್ ಈ ಬಗೆಟ್ ಪ್ರಕರಣ ದಾಕಲ್ತೊಂದೆರ್. ಆರೋಪಿನ್ ಬೇಗೊಡೇ ಪತ್ತುವ’ ಪನ್ದ್ ತೆರಿಪಾದೆರ್.