Last updated on March 5th, 2026 at 12:42 pm
ಬೆದ್ರ, ಮಾ. 5: ಬಸ್ಸ್ಡ್ ತಿಕ್ಕಿನ ಸುಮಾರ್ 3 ಲಕ್ಷ ರೂಪಾಯಿ ಮೌಲ್ಯೊದ ಬಂಗಾರ್ದ ಮಾಲೆನ್ ಅವೆತ ನಿಜವಾಯಿನ ದನಿಕ್ ಪಿರ ಒಪ್ಯಾದ್ ಬಸ್ ಕಂಡಕ್ಟರ್ ಒರಿ ಪ್ರಾಮಾಣಿಕತೆ ತೂಪಾಯಿನ ನಡಕೆ ಬೆದ್ರಡ್ ನಡತ್ದ್ಂಡ್.
ವಿಶಾಲ್ ಮೋಟರ್ಸ್ ಬಸ್ಡ್ ಬೇಲೆ ಮಲ್ತೊಂದಿತ್ತಿನ ಕಂಡಕ್ಟರ್ ರಾಜೇಶ್ ಹೆಗ್ಡೆ ಮೆರೆಗ್ ಬಸ್ದುಲಯಿ ಬಂಗಾರ್ದ ಕಂಟಿ ತಿಕ್ಕ್ದ್ಂಡ್. ಈ ಬಗೆಟ್ ಆರ್ ವಾಟ್ಸಾಪ್ ಮುಕೇನ ಒಲವು ಪಟ್ಟ್ದಿತ್ತ್ದ್, ಬೊಕ್ಕ ಬಂಗಾರ್ದ ಮಾಲೆ ಕುಂದಾಪುರ ಮೂಲೊದ ನಿಟ್ಟೆ ಕಾಲೇಜ್ದ ವಿದ್ಯಾರ್ಥಿನಿ ಸುಧೀಕ್ಷಾ ಪನ್ಪಿನಾರೆನವು ಪನ್ದ್ ತೆರಿದ್ ಬತ್ತ್ಂಡ್. ಆರ್ ಬಸ್ಸ್ಡ್ ಪೋನಗ ತತ್ತ್ದ್ ಬಂಗಾರ್ದ ಚೈನ್ನ್ ಕಲೆವೊಂದೆರ್.
ಒಲವು ತಿಕ್ಕಿನ ಸುಧೀಕ್ಷಾ ಬೋಡಾಪಿನ ವಿವರೊಲೆನ್ ಕೊರಿಬೊಕ್ಕ ಕಂಡಕ್ಟರ್ ರಾಜೇಶ್ ಹೆಗ್ಡೆ ಮೆರೆನ ಕೈರ್ದ್ ತನ್ನ ಬಂಗಾರ್ದ ಮಾಲೆನ್ ಪಿರ ಗೆತೊಂಡೆರ್. ಈ ಪೊರ್ತುಡು ಆರ್ ಕಂಡಕ್ಟರ್ ರೆನ ಪ್ರಾಮಾಣಿಕತೆಗ್ ಸೊಲ್ಮೆ ಸಂದಾಯೆರ್.
ಸುಮಾರ್ 3 ಲಕ್ಷ ರೂಪಾಯಿ ಮೌಲ್ಯೊದ ಬಂಗಾರ್ನ್ ಲಾಭದಾಸೆದಾಂತೆ ನಿಜವಾಯಿನ ದನಿಕ್ ಒಪ್ಯಾದಿನ ರಾಜೇಶ್ ಹೆಗ್ಡೆ ರೆನ ಪ್ರಾಮಾಣಿಕತೆನ್ ಬಸ್ದ ದನಿಕುಲು ಬೊಕ್ಕ ಸಾರ್ವಜನಿಕೆರ್ ಪುಗರೊಂದುಲ್ಲೆರ್.