Last updated on March 5th, 2026 at 04:55 pm
ಕಡಬ, ಮಾ. 05: ವೈಯಕ್ತಿಕ ನೆವನೊಲೆನ ಬೆಸರ್ಡ್ ನರ್ಸಿಂಗ್ ಕಲ್ತೊಂದಿತ್ತಿನ ಪೊಣ್ಣು ಒರ್ತಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ವರದಿ ಆತ್ಂಡ್.
ಕಡಬ ರೆಂಜಿಲಾಡಿದ ಲಾರೆನ್ಸ್ ಪನ್ಪಿನಾರೆನ ಮಗಲ್ ಸ್ವೀಟಿ (18) ತೀರ್ದಿನ ಪೊಣ್ಣು.
ಮೇರ್ ಒಡಿಪುಡು ನರ್ಸಿಂಗ್ ಕಲ್ತೊಂದಿತ್ತ್ದ್, ಕ್ಲಾಸ್ ಆದ್ ಬೊಕ್ಕ ಆಸ್ಪತ್ರೆದ ಹಾಸ್ಟೆಲ್ಡ್ ಉಂತೆದೆರ್. ಫೆ.25ತಾನಿ ರಾತ್ರೆ ಹಾಸ್ಟೆಲ್ಡ್ ಇಪ್ಪುನಗ ಎಲಿಕೆರ್ಪುನ ಮರ್ದ್ ತಿನ್ದ್ದ್ ಉಸಾರ್ ತತ್ತ್ದೆರ್, ಅಪಗನೇ ಆರೆನ್ ಒಡಿಪುದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್. ಬೊಕ್ಕ ಎಚ್ಚಿಗೆ ಮರ್ದ್ಗ್ ಮಣಿಪಾಲ ಆಸ್ಪತ್ರೆಗ್ ಶಿಫ್ಟ್ ಮಲ್ತ್ದೆರ್. ಗಾತಿದ ಸ್ಥಿತಿಟ್ ಇತ್ತಿನ ಆರ್ ಮಾ.3 ತಾನಿ ಮರ್ದ್ ಪಲಿಪಂದೆ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಒಡಿಪು ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.