Last updated on March 7th, 2026 at 04:19 pm
ದೆಲ್ಲಿ, ಮಾ. 07: ಅಮೇರಿಕಾದ ದಾಳಿಗ್ ಸದು ಕೊರ್ಯೆರ ಗಲ್ಫ್ ದೇಶೊಲೆನ ಮಿತ್ತ್ ಮಿಸೈಲ್ ದಾಳಿ ಮಲ್ತ್ದ್ ಪಾಕ ಹಾನಿ ಮಲ್ದಿನ ಇರಾನ್ ಇತ್ತೆ ನನ ಗಲ್ಫ್ ದೇಶೊಲೆನ ಮಿತ್ತ್ ದಾಳಿ ಮಲ್ಪುಜ, ಆತೇ ಅತ್ತಂದೆ ಕೊಲಲೊದ ನಡುಟು ದಾಳಿ ಮಲ್ತಿನೆಕ್ ಗಲ್ಫ್ ದೇಶೊಲೆಡ ಇರಾನ್ ಅಧ್ಯಕ್ಷೆ ಮಸೂದ್ ಪೆಜೆಶ್ ಕಿಯಾನ್ ಮಾಪು ನಟ್ಟ್ದೆರ್.
ಅಕುಲಾದ್ ದಾಳಿ ಮಲ್ಪಂದೆ ಎಂಕ್ಲ ಬರಿತ ದೇಶೊಲೆನ ಮಿತ್ತ್ ನನ ಏಪೊಗುಲಾ ದಾಳಿ ಮಲ್ಪುಜ ಪನ್ದ್ ಅಧ್ಯಕ್ಷೆರ್ ಪಾತೆರ ಕೊರ್ಯೆರ್.
ದಾಳಿ ಮಲ್ತಿನೆಕ್ ಎನ್ನ ಬೊಕ್ಕ ದೇಶೊದ ಪರವಾದ್ ಯಾನ್ ನಿರೆಕರೆತ ದೇಶೊಲೆಡ ಮಾಪು ನಟ್ಟೊಡೇ ಆಪುಂಡು. ಬರಿತ ದೇಶೊಲೆನ ಮಿತ್ತ್ ನನ ದುಂಬಗ್ ಒವ್ವೇ ದಾಳಿ ಮಲ್ಪಂದೆ ಇಪ್ಪೆರೆ ಇರಾನ್ದ ಮಧ್ಯಂತರ ನಾಯಕತ್ವ ಮಂಡಳಿ ತೀರ್ಮಾನ ಗೆತೊಂದುಂಡು.
ಇರಾನ್ ಒವ್ವೇ ನೆವನೊಗ್ಲಾ ಶರಣಾಪುಜಿ. ಇರಾನ್ದ ಜನೊಕ್ಲೆನ ಶರಣಾಗತಿದ ಬಯಕೆನ್ ಶತ್ರುಲು ಮದತ್ ಬುಡೊಡು ಪನ್ದ್ ಆರ್ ಪನ್ಡೆರ್.