Last updated on March 8th, 2026 at 09:02 am
ಬಂಟ್ವಾಳ, ಮಾ. 08: 2028ಡ್ಲಾ ಎಂಕ್ಲನೇ ಅಧಿಕಾರೊಗು ಬರ್ಪ. ಎಂಕ್ಲ ಅಧಿಕಾರೊಡು ಇಪ್ಪುನಗ ಕಂಬುಲಗ್ ದಾದ ಪ್ರೋತ್ಸಾಹ ಕೊರೊಡಾ ಅವೆಕ್ ಪ್ರೋತ್ಸಾಹ ಕೊರ್ಪ. ಕಂಬುಲಗ್ ಪನವುದ ಬೆರಿತಾಂಗ್ಲಾ ಕೊರ್ಪ, ರಮಾನಾಥ ರೈ ಕ್ಲೆನ್ ಸೋಪಾದಿನ ಬೆಸರ್ ಕನೈದ್ಂಡ್, ನನದ ಎಲೆಕ್ಷನ್ಡ್ಲಾ ಆರೇ ಅಭ್ಯರ್ಥಿ ಆದುಪ್ಪೆರ್, ಆರೆನ್ ಕುಡ ಗೆಂದಾಲೆ ಪನ್ದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆ ಪನ್ಡೆರ್.
ಬಂಟ್ವಾಳದ ನಾವೂರು ಕೂಡಿಬೈಲ್ ಪನ್ಪಿನಲ್ಪ ಮಾಜಿ ಸಚಿವೆ ಬಿ.ರಮಾನಾಥ ರೈಕ್ಲೆನ ಮುತಾಲಿಕೆಡ್ ಶನಿವಾರ ನಡತಿನ ಮೂಡೂರು – ಪಡೂರು ಜೋಡುಕರೆ ಬಂಟ್ವಾಳ ಕಂಬುಲದ ಸಭಾ ಕಾರ್ಯಕ್ರಮ ಉದಿಪನ ಮಲ್ತ್ದ್ ಆರ್ ಪಾತೆರ್ಯೆರ್.
ರಮಾನಾಥ ರೈಕುಲು ಶಾಸಕೆ, ಸಚಿವೆರಾದುಪ್ಪುನಗ ಬಂಟ್ವಾಳ ಕ್ಷೇತ್ರೊಡು ಪಾಕ ಅಭಿವೃದ್ಧಿ ಬೇಲೆಲೆನ್ ಮಲ್ತ್ಂಡಲಾ ಜನೊಕುಲು ಸೋಪಾದಿನವು ಬೆಸರ್ದ ಸಂಗತಿ. ಕೂಡೊರ ಆರ್ ಎಲೆಕ್ಷನ್ಗಾ ಉಂತುವೆರ್. 2028ಗ್ ಕುಡ ಅಭ್ಯರ್ಥಿ ಆಪೆರ್ ಪನ್ದ್ ಪನ್ಡೆರ್.