Last updated on March 14th, 2026 at 08:47 am
ಟೆಹ್ರಾನ್, ಮಾ. 14: ಮಧ್ಯಪ್ರಾಚ್ಯೊಡು ಕೊಲಲ ದಿನೊರ್ದು ದಿನೊಕು ಜೋರಾವೊಂದೇ ಪೋವೊಂದುಂಡು, ಇರಾನ್ದ ಖಾರ್ಗ್ ಕುದುರುದ ಮಿತ್ತ್ ಅಮೆರಿಕ ಅತ್ಯಂತ ಶಕ್ತಿಶಾಲಿ ಬಾಂಬ್ ದಾಳಿ ಮಲ್ತ್ದ್ಂಡ್.
ಇರಾನ್ದ ಕಾರ್ಯತಂತ್ರೊದ ಪ್ರಮುಖ ಜಾಗೆ ಖಾರ್ಗ್ ಕುದುರುದ ಮಿತ್ತ್ ಅಮೆರಿಕದ ದಂಡ್ ಪ್ರಬಲ ಬಾಂಬ್ ದಾಳಿ ಮಲ್ತ್ದ್ಂಡ್ ಪನ್ದ್ ಅಮೆರಿಕ ಅಧ್ಯಕ್ಷೆ ಡೊನಾಲ್ಡ್ ಟ್ರಂಪ್ ಪನ್ಡೆರ್.
ಕುದುರುಡು ಇಪ್ಪುನ ಪ್ರತಿ ಒಂಜಿ ಮಿಲಿಟರಿ ಈಡ್ಲಾ ನಾಶ ಆತ್ಂಡ್ ಪನ್ದ್ ಪನ್ತಿನ ಟ್ರಂಪ್, ದುಂಬಗ್ ಇರಾನ್ದ ಪ್ರಮುಖ ತೈಲ ಮೂಲಸೌಕರ್ಯೊನು ಈಡ್ ಮಲ್ಪುವ ಪನ್ದ್ ಎಚ್ಚರ್ಗೆ ಕೊರ್ತೆರ್.
ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಪೀಟ್ ಹೆಸ್ಸೆತ್ ಮೇರ್ ಅಮೆರಿಕದ ದಂಡ್ ಇರಾನ್ದ ಮಿತ್ತ್ “ಇನಿ ನನಲ ಜೋರುದ ದಾಳಿ ಮಲ್ಪರೆ ಉಂಡು” ಪನ್ದ್ ಪನ್ಡಿನ ಒಂತೆ ಪೊರ್ತುಡೇ ಈ ದಾಳಿಲು ನಡತ್ದ್.
ಟ್ರಂಪ್ ಟ್ರುತ್ ಪೋಸ್ಟ್ಡ್, ಈ ದಾಳಿ ಈ ಪ್ರದೇಶೊಡು ಮಲ್ದಿನ ಅತ್ಯಂತ ಶಕ್ತಿಶಾಲಿ ಮಿಲಿಟರಿ ಕಾರ್ಯಾಚರಣೆಲೆಡ್ ಒಂಜಿ ಪನ್ದ್ ಪನ್ಡೊನ್ದೆರ್.
ಇರಾನ್ದ ಕರೆರ್ದ್ ಸುಮಾರ್ 33 ಕಿಲೋಮೀಟರ್ ದೂರೊಡು ಇಪ್ಪುನ ಎಲ್ಯ ಕುದುರು ಖಾರ್ಗ್ ಪ್ರಮುಖ ಆಯಿಲ್ ಎಕ್ಸ್ಪೋರ್ಟ್ ಟರ್ಮಿನಲ್ ಬೊಕ್ಕ ಇರಾನ್ದ ಅತ್ಯಂತ ನಿರ್ಣಾಯಕ ಆರ್ಥಿಕ ಸೊತ್ತುಲೆಡ್ ಒಂಜಾದುಂಡು. ಅಲ್ಪದ 90% ಆಯಿಲ್ ಎಕ್ಸ್ಪೋರ್ಟ್ ಖಾರ್ಗ್ರ್ದೇ ಆಪೆದ್ಂಡ್.