ಸಿಎಂ ಕುಟುಮಗ್ ಕುಡ ಮುಡಾ ಸಂಕಷ್ಟ: ಸಿದ್ದರಾಮಯ್ಯೆ ಬೊಕ್ಕ ಬೊಡೆದಿ ಪಾರ್ವತಿಗ್ ಹೈಕೋರ್ಟ್ ತುರ್ತ ನೋಟಿಸ್

Last updated on March 26th, 2026 at 02:39 pm

ಬೆಂಗಳೂರ್, (ಮಾರ್ಚ್ 26): ರಾಜ್ಯ ರಾಜಕಾರಣೊಡು ಕುಡ ಬಾರೀ ಸಂಚಲನ ಉಂಡುಮಲ್ದಿನ ಮೈಸೂರ್ ನಗರಾಭಿವೃದ್ಧಿ ಪ್ರಾಧಿಕಾರೊದ (ಮುಡಾ) ನಿವೇಶನ ಪಟ್ಟುನ ಹಗರಣೊಗು (Muda Case) ಸಂಬಂಧಿತ್‌ದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆ ಬೊಕ್ಕ ಆರೆನ ಬೊಡೆದಿ ಪಾರ್ವತಿ ಮೊಕಲೆಗ್ ಹೈಕೋರ್ಟ್ ಇನಿ (ಮಾರ್ಚ್ 26) ತುರ್ತ ನೋಟಿಸ್ ಜಾರಿ ಮಲ್ದ್ಂಡ್. ಮುಡಾ ಹಗರಣೊದ ಬಗೆಟ್ ಲೋಕಾಯುಕ್ತ ಸಂದಾದಿತ್ತಿನ ಬಿ ರಿಪೋರ್ಟ್ ಪ್ರಶ್ನೆ ಮಲ್ತ್‌ದ್ ಸ್ನೇಹಮಯಿ ಕೃಷ್ಣ ಸಂದಾದಿನ ಮಿತ್ತಬಿನ್ನಪು ಅರ್ಜಿ ವಿಚಾರಣೆ ಮಲ್ತಿನ ಕರ್ನಾಟಕ ಹೈಕೋರ್ಟ್, ಸಿಎಂ ಬೊಕ್ಕ ಆರೆನ ಬೊಡೆದಿ ಅತ್ತಂದೆ ಲೋಕಾಯಯಕ್ತ ಪೊಲಿಸೆರ್, ಜಾರಿ ನಿರ್ದೇಶನಾಲಯ, ಮಲ್ಲಿಕಾರ್ಜನಸ್ವಾಮಿ, ದೇವರಾಜ ಮೊಕಲೆಗ್ಲಾ ನೋಟಿಸ್ ಜಾರಿ ಮಲ್ಪರೆ ಆದೇಶ ಕೊರ್ದು ವಿಚಾರಣೆನ್ ದುಂಬು ಪಾಡ್ದ್ಂಡ್.

ಮುಖ್ಯಮಂತ್ರಿ ಸಿದ್ದರಾಮಯ್ಯೆ ಬೊಕ್ಕ ಆರೆನ ಇಲ್ಲದಕಲೆನ ಮಿತ್ತ್ ಮುಡಾ ಭೂ ಹಗರಣ ಪ್ರಕರಣೊಡು, ಲೋಕಾಯುಕ್ತ ಪೊಲೀಸೆರ್ ಸಂದಾದಿನ ‘ಬಿ’ ರಿಪೋರ್ಟ್‌ನ್ ಜನಪ್ರತಿನಿಧಿಲೆನ ವಿಶೇಷ ನ್ಯಾಯಂತಡೆ ಒತ್ತೊಂದಿತ್ತ್ಂಡ್. ಇಂದೆನ್ ಪ್ರಶ್ನೆ ಮಲ್ತ್‌ದ್ ಆರ್‌ಟಿಐ ಕಾರ್ಯಕರ್ತೆ ಸ್ನೇಹಮಯಿ ಕೃಷ್ಣೆ ಕರ್ನಾಟಕ ಹೈಕೋರ್ಟ್‌‌ಗ್ ಪೋದಿತ್ತ್‌ದ್, ಈ ಬಗೆಟ್ ಇತ್ತೆ ಹೈಕೋರ್ಟ್ ನೋಟಿಸ್ ಜಾರಿ ಮಲ್ದ್ಂಡ್.