ಗುರುಪುರ ಕಂಬುಲ: ತುಳುನಾಡ ಸಂಸ್ಕೃತಿ ದೇಶೊಗು ಕಲಶ ಇತ್ತಿಲೆಕ- ಡಿ. ಕೆ. ಸುರೇಶ್

Last updated on April 5th, 2026 at 03:37 pm

ಕುಡ್ಲ, ಏ. 05: ತುಳುನಾಡ ಸಂಸ್ಕೃತಿ ದೇಶೊಗು ಕಲಶ ಇತ್ತಿಲೆಕ. ಕಂಬುಲ ಗೊಬ್ಬು ಅತ್ತ್, ಧಾರ್ಮಿಕ ಸಂಕೇತ. ನಗರೀಕರಣದ ಪೊರ್ತುಡು ನಮ್ಮ ಸಂಸ್ಕೃತಿನ್ ಒರಿತೊನುನ ಆವಶ್ಯಕತೆ ಜವನೆರೆಗುಂಡು ಪನ್ದ್ ಬೆಂಗಳೂರು ಪೇರ್ ಒಕ್ಕೂಟೊ (ಬಮುಲ್)ದ ಅಧ್ಯಕ್ಷೆ, ಮಾಜಿ ಸಂಸದೆ ಡಿ.ಕೆ. ಸುರೇಶ್ ಪನ್ಡೆರ್.

ಮುಳೂರ್ – ಅಡ್ಡೂರ್ ಜೋಡುಕರೆ ಕಂಬುಲ ಸಮಿತಿದ ಕಡೆರ್ದ್ ಗುರುಪುರ ಮಾಣಿಬೊಟ್ಟು ಗುತ್ತುಡು ಸನಿಯಾರ ನಡತಿನ ‘ಗುರುಪುರ ಕಂಬುಲ’ದ ಉದಿಪನ ಮಲ್ತ್‌ದ್ ಪಾತೆರ್ದ್, ಕಂಬುಲದ ಎರ್ಲೆನ್ ರೆಡಿ ಮಲ್ಪುನು, ಗಿಡಪುನು ಬಾರೀ ಬಂಙದ ಬೇಲೆ. ಈ ಧಾರ್ಮಿಕ ಪದ್ಧತಿನ್ ಒರಿಪಾವುನ ಬೇಲೆನ್ ಪಾಕ ಜನ ಮಲ್ತೊಂದುಲ್ಲೆರ್. ನನದ ದಿನೊಟು ಮೈಸೂರ್‌ಡ್ ಕಂಬುಲ ಸುರು ಆಪುಂಡು. ಕಂಬುಲ ರಾಜ್ಯೊಡೊರ್ಮೆ ಆವೊಡು. ಇನಾಯತ್ ಅಲಿ ಮೇರ್ ಕರಿನ ಮೂಜಿ ವರ್ಸೊರ್ದಿಂಚಿ ಕಂಬುಲ ನಡಪಾವೊಂದು ಮಾತೆರೇಗ್ಲಾ ಸ್ಫೂರ್ತಿ ಕೊರೊಂದುಲ್ಲೆರ್ ಪನ್ದ್ ಪನ್ಡೆರ್.

ಮುಳೂರ್ – ಅಡ್ಡೂರ್ ಜೋಡುಕರೆ ಕಂಬುಲ ಸಮಿತಿದ ಅಧ್ಯಕ್ಷೆ ಇನಾಯತ್ ಅಲಿ ಎದುಕೊಂದು, ಪ್ರಸ್ತಾವನೆ ಮಲ್ತ್‌ದ್, ಕಂಬುಲ ತುಳುನಾಡ ಪರಂಪರೆ ಪನ್ದ್ ಪನ್ಡೆರ್.

ವಿಧಾನಸಭಾಧ್ಯಕ್ಷೆ ಯು.ಟಿ. ಖಾದರ್, ಮಾಜಿ ಸಚಿವೆ ಅಭಯಚಂದ್ರ ಜೈನ್, ಶ್ರೀಕ್ಷೇತ್ರ ಕುದ್ರೋಳಿ ಖಜಾಂಚಿ ಪದ್ಮರಾಜ್ ಆರ್. ಪೂಜಾರಿ, ರಾಜ್ಯ ಕಂಬುಲ ಅಸೋಸಿಯೇಶನ್‌‌ದ ಅಧ್ಯಕ್ಷೆ ಡಾ | ದೇವಿಪ್ರಸಾದ್ ಶೆಟ್ಟಿ, ಜಿಲ್ಲಾ ಕಂಬುಲ ಸಮಿತಿದ ಪ್ರ.ಕಾ. ಲೋಕೇಶ್ ಶೆಟ್ಟಿ, ಅದಾನಿ ಸಂಸ್ಥೆದ ಕಿಶೋ‌ರ್ ಆಳ್ವ, ಪ್ರಮುಖೆರಾಯಿನ ಜಗದೀಶ್ ಅಧಿಕಾರಿ, ದಿನೇಶ್ ಕರ್ಕೇರ, ಕೀರ್ತಿ ಗಣೇಶ್, ವಿನಯಕುಮಾ‌ರ್ ಶೆಟ್ಟಿ, ಲೋಕೇಶ್ ಶೆಟ್ಟಿ, ಕಂಬುಲ ಸಮಿತಿದ ಗೌರವಾಧ್ಯಕ್ಷೆ ಪದ್ಮನಾಭ ಕೋಟ್ಯಾನ್, ಸ್ಥಾಪಕಾಧ್ಯಕ್ಷೆ ರಾಜ್ ಕುಮಾರ್ ಶೆಟ್ಟಿ ತಿರುವೈಲುಗುತ್ತು, ಕಾರ್ಯಾಧ್ಯಕ್ಷೆ ಜಗದೀಶ್ ಶೆಟ್ಟಿ ಮಾಣಿಬೊಟ್ಟು ಗುತ್ತು, ಪ್ರ.ಕಾರ್ಯದರ್ಶಿ ಯಶವಂತ ಕುಮಾರ್‌ಶೆಟ್ಟಿ ಬೆಳ್ಳೂರು ಗುತ್ತು, ವಿಜೇತ್ ಮಂಜನಾಡಿ  ಸೇರ್ದ್ ಪಾಕ ಗಣ್ಯೆರ್ ಪಾಲ್‌ಪಡೆದಿತ್ತೆರ್.