Last updated on April 6th, 2026 at 02:14 pm
ಬೆಂಗಳೂರ್, ಏ.6: ಕೊಡಿ ಕಾರ್ಡ್ ಕಾತೊಂದುಪ್ಪುನ ಸೆಕೆಂಡ್ ಪಿಯುಸಿ ಫಲಿತಾಂಶ ಪ್ರಕಟ ಆಪಿನ ದಿನ ಬೈದ್ಂಡ್, ಎಲ್ಲೆ ಸೆಕೆಂಡ್ ಪಿಯುಸಿ ಫಲಿತಾಂಶ ಘೋಷಣೆ ಮಲ್ಪುನ ಸಾಧ್ಯತೆ ಉಂಡು ಪನ್ದ್ ಪನೊಂದುಲ್ಲೆರ್. ಈ ಬಗೆಟ್ ಅಧಿಕೃತ ಅಲವು ನನಲ ಬೈದಿಜಿ. ಫೆಬ್ರವರಿ 28 ರ್ದ್ ಮಾರ್ಚ್ 17 ಮುಟ್ಟ ಸೆಕೆಂಡ್ ಪಿಯುಸಿ ಪರೀಕ್ಷೆ ನಡತಿತ್ತ್ಂಡ್. ಏಪ್ರಿಲ್ 7, 2026 ತಾನಿ ಪನ್ಡ ಎಲ್ಲೆ ಫಲಿತಾಂಶ ಪ್ರಕಟ ಮಲ್ಪುನ ಸಾಧ್ಯತೆ ಉಂಡು ಪನ್ದ್ ಮೂಲೊಲೆರ್ದ್ ತೆರಿದ್ ಬೈದ್ಂಡ್.
ಪ್ರಕಟ ಆಪಿನ ಫಲಿತಾಂಶೊನು ಎಂಚ ತೂಪುನು ಪನ್ದ್ ವಿದ್ಯಾರ್ಥಿಲೆಗ್ ಎನ್ನೊಂದುಪ್ಪು. ಮುಲ್ಪ ಕೊರ್ತಿನ ಲಿಂಕ್ಲೆನ್ ಓಪನ್ ಮಲ್ತ್ಂಡ ಯಾರು. karresults.nic.in ಬೊಕ್ಕ kseab.karnataka.gov.in ನ್ ಶಿಕ್ಷಣ ಇಲಾಖೆ ಕೊರ್ತುಂಡು. ಓಲಾಂಡಲಾ ಈ ಲಿಂಕ್ಲೆಡ್ ದೋಷ ಬತ್ತ್ಂಡ, ಬೇತೆ ಅಜಪುಲಾ ಕೊರ್ತೆರ್. PUC ಫಲಿತಾಂಶೊನು ಡಿಜಿಲಾಕರ್ ವೆಬ್ಸೈಟ್ – digilocker.gov.inhttp://digilocker.gov.in ಡ್ಲಾ ತೂವೊಲಿ.
ಕರಿನ ವರ್ಸ ಏಪ್ರಿಲ್ 8 ದಾನಿ ಕರ್ನಾಟಕ ಸೆಕೆಂಡ್ ಪಿಯುಸಿ ಫಲಿತಾಂಶ ಘೋಷಣೆ ಮಲ್ತಿತ್ತೆರ್, ಪರೀಕ್ಷೆಲು ಮಾರ್ಚ್ 1 ರ್ದ್ ಮಾರ್ಚ್ 20 ಮುಟ್ಟ ನಡತಿತ್ತ. ಈ ಸರ್ತಿಲಾ ಅವ್ವೇ ಪೊರ್ತುಡು ಘೋಷಣೆ ಮಲ್ಪುನ ಸಾಧ್ಯತೆ ಉಂಡು ಪನ್ದ್ ಪನೊಂದುಲ್ಲೆರ್.
ಪಿಯುಸಿ ಫಲಿತಾಂಶ 2026: ತೂಪುನು ಎಂಚ?
ವಿದ್ಯಾರ್ಥಿಲು ತನ್ಕುಲೆ ಫಲಿತಾಂಶೊನು ಡೌನ್ಲೋಡ್ ಮಲ್ಪೆರೆ ಈ ನಿಲವುಲೆಡೆ ಪೋವೊಡು :
ಅಧಿಕೃತ ವೆಬ್ಸೈಟ್ karresults.nic.in ಗ್ ಪೋಲೆ.
ಕರ್ನಾಟಕ ದ್ವಿತೀಯ ಪಿಯುಸಿ ಫಲಿತಾಂಶ 2026 ಲಿಂಕ್ ದ ಮಿತ್ತ್ ಕ್ಲಿಕ್ ಮಲ್ಪುಲೆ.
ನಿಕ್ಲೆನ ನೋಂದಣಿ ಸಂಖ್ಯೆ ಬೊಕ್ಕ ಪುಟ್ಟಿನ ದಿನೊನು ಪಾಡ್ಲೆ.
ಸಬ್ಮಿಟ್ ದ ಮಿತ್ತ್ ಕ್ಲಿಕ್ ಮಲ್ಪುಲೆ
ನಿಕ್ಲೆಗ್ ಓಲ್ಲ ಫಲಿತಾಂಶೊದ ಕಾಪಿ ಬೋಡಾಂಡ ಡೌನ್ಲೋಡ್ ಮಲ್ತ್ದ್ ಪ್ರಿಂಟ್ಔಟ್ ಗೆತೊನ್ಲೆ.
ಡಿಜಿಲಾಕರ್ ವೆಬ್ಸೈಟ್ – digilocker.gov.in ಡ್ಲಾ ಕರ್ನಾಟಕ ಪಿಯುಸಿ ಫಲಿತಾಂಶೊನು ತೂವೊಲಿ.