Last updated on April 8th, 2026 at 02:48 pm
ದೆಲ್ಲಿ, ಎ. 08: ಇರಾನ್ ಬೊಕ್ಕ ಅಮೇರಿಕಾದ ನಡುಟು ಸೀಸ್ಫೈರ್ ಘೋಷಣೆ ಆದಿತ್ತ್ಂಡಲಾ ಇತ್ತೆ ಭಾರತೀಯ ರಾಯಭಾರಿ ಕಚೇರಿ ಇರಾನ್ಡ್ ಇಪ್ಪುನ ಭಾರತೀಯೆರಿಯೆಗ್ ಇತ್ತೆನೇ ಇರಾನ್ ಬುಡ್ದು ಪೋಯೆರ ಸೂಚನೆ ಕೊರ್ತುಂಡು.
ದುಂಬು ಇರಾನ್ಡ್ ‘ಒಲ್ಪ ಉಲ್ಲರಾ ಅಲ್ಪನೇ ಇಪ್ಪುಲೆ’ ಪನ್ದ್ ಸೂಚನೆ ಕೊರ್ದಿತ್ತಿನ ಭಾರತೀಯ ರಾಯಭಾರ ಕಚೇರಿ, ಇತ್ತೆ ಪರಿಸ್ಥಿತಿದ ಗಾತಿನ್ ತೂದು “ಬೇಗ ಇರಾನ್ ದೇಶೊರ್ದು ಪಿದಯಿ ಪೋಲೆ” ಪನ್ದ್ ಸೂಚನೆ ಕೊರ್ತುಂಡು. ಆತೇ ಅತ್ತಂದೆ ರಾಯಭಾರ ಕಚೇರಿದ ಅನುದಾಂತೆ ಒವ್ವೇ ಅಂತರರಾಷ್ಟ್ರೀಯ ಭೂ ಗಡಿನ್ ಕಡಪೆರೆ ಬಲ್ಲಿ ಪನ್ದ್ ಎಚ್ಚರ್ಗೆ ಕೊರ್ತುಂಡು.
ರಾಯಭಾರ ಕಚೇರಿ ತನ್ನ ತುರ್ತು ಸಂಪರ್ಕ ಸಂಖ್ಯೆಲೆನ್ – +989128109115; +989128109109; +989128109102; +989932179359 ಬೊಕ್ಕ ಮೇಲ್ ಐಡಿ – [email protected] ನ್ಲಾ ಕೊರ್ತುಂಡು.
ಇತ್ತೆನೇ ಅಮೇರಿಕಾ ಬೊಕ್ಕ ಇರಾನ್ದ ನಡುಟು ರಡ್ಡ್ ವಾರೊದ ಸೀಸ್ಫೈರ್ ಆತ್ಂಡ್. ಆಂಡಲಾ ಒರರ್ದ್ ಒರಾನೆ ಭಾರತೀಯ ರಾಯಭಾರಿ ಕಚೇರಿರ್ದ್ ಈ ವಾರ್ನಿಂಗ್ ಬೈದಿನ ಬಾರೀ ಆತಂಕೊಗು ನೆವನ ಆತ್ಂಡ್.