Last updated on April 10th, 2026 at 01:51 pm
ಚಿಕ್ಕಮಗಳೂರು, ಎ. 10: ಚಂದ್ರದ್ರೋಣ ಪರ್ವತ ಶ್ರೇಣಿದ ಮಾಣಿಕ್ಯಧಾರಾ ಅರ್ಬಿದ ಕೈತಲ್ ಕರಿನ ಮೂಜಿ ದಿನೊರ್ದಿಂಚಿ ನಾಪತ್ತೆ ಆದಿತ್ತಿನ ಕೇರಳದ ಪಾಲಕ್ಕಾಡ್ ಮೂಲೊದ ಪೊಣ್ಣು ಶ್ರೀನಂದಾ (14) ಮೆರೆನ ಪುನ ಇನಿ (ಏಪ್ರಿಲ್ 10) ತಿಕ್ಕ್ದ್ಂಡ್. ಮಾಣಿಕ್ಯಧಾರಾದ ಸುಮಾರ್ 2 ಸಾರ ಫೀಟ್ ಗಂತ್ದ ಪ್ರಪಾತೊಡು ಪೊಣ್ಣನ ಸರ್ರೊ ತಿಕೊಂದಿನ ದೃಢ ಆತ್ಂಡ್.
ಏಪ್ರಿಲ್ 7ತಾನಿ ಕೇರಳರ್ದ್ 40 ಜನೊತ ಕೂಟೊದೊಟ್ಟುಗು ಪ್ರವಾಸೊಗು ಬತ್ತಿತ್ತಿನ ಶ್ರೀನಂದಾ, ದತ್ತಪೀಠ ಬೊಕ್ಕ ಮಾಣಿಕ್ಯಧಾರಾ ದರ್ಶನ ಮಲ್ತಿ ಬೊಕ್ಕ ಒರರ್ದ್ ಒರಾನೆ ನಾಪತ್ತೆ ಆದಿತ್ತೆರ್. ಪೊಣ್ಣನ್ ನಾಡ್ಯೆರೆ ಎಸ್ಡಿಆರ್ಎಫ್, ಅಗ್ನಿಶಾಮಕ ದಳ, ಪೊಲೀಸ್ ಬೊಕ್ಕ ಎಎನ್ಎಫ್ ಕೂಟೊಲು ಒಟ್ಟುಗು ಮಲ್ಲ ಕಾರ್ಯಾಚರಣೆ ಮಲ್ತಿತ್ತ. ಕಾಡ್ದ ನಡುಟು ಡ್ರೋನ್ ಬೊಕ್ಕ ಥರ್ಮಲ್ ಕ್ಯಾಮೆರಾ ಗಲಸ್ದ್ ನಾಡ್ದಿತ್ತೆರ್.
ಇನಿ ಮಧ್ಯಾಹ್ನದ ಪೊರ್ತುಡು ಪ್ರಪಾತೊದ ತಿರ್ತಮೆಯಿಟ್ ಪುನ ತಿಕ್ಕ್ದಿತ್ತ್ದ್, ಪೊಣ್ಣು ತತ್ತ್ದ್ ಕಾರ್ ಜಾರ್ದ್ ಬೂರ್ದಿಪ್ಪುನ ಶಂಕೆ ತೋಜಿದ್ ಬೈದ್ಂಡ್. ಮಗಲೆನ ಪುನ ತೂದು ಅಪ್ಪೆಅಮ್ಮನ ಬುಲಿಪು ತೂಯೆರಾವೊಂದಿಜ್ಜಿ, ಇಡೀ ಪ್ರವಾಸಿ ತಾಣೊಡು ಶೋಕೊದ ನಿರೆಲ್ ಉಂಡು. ಚಿಕ್ಕಮಗಳೂರು ಗ್ರಾಮಾಂತರ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.