Last updated on April 13th, 2026 at 06:05 am
ಕುಡ್ಲ, ಏ. 12 : ಗಂಜಿಮಠದ ಮುಚ್ಚೂರು ಕ್ರಾಸ್ ದಲ್ಪ ಮದಿಮೆದ ಲೇಸ್ರ್ದಾವರ ಭಾರೀ ಟ್ರಾಫಿಕ್ ಜಾಮ್ ಆತಿನ ಪ್ರಕರಣೊಡು ಹಾಲ್ದ ದನಿ ಬೊಕ್ಕ ಆಯೋಜಕೆರೆನ ಮಿತ್ತ್ ಬಜ್ಪೆ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.
ಏಪ್ರಿಲ್ 12 ತಾನಿ ಮಧ್ಯಾಹ್ನ 12 ಗಂಟೆರ್ದ್ 2 ಗಂಟೆ ಮುಟ್ಟ ನಡತಿನ ಈ ನಡಕೆದ ಪೊರ್ತುಡು, ರಾಯಲ್ ಪ್ಯಾಲೇಸ್ ಬೊಕ್ಕ ಒಂಡೆಲಾ ಹಾಲ್ಡ್ ಮದಿಮೆಗ್ ಬತ್ತಿನ ಗಾಡಿಲೆಗ್ ಸಮಗಟ್ಟ್ ಪಾರ್ಕಿಂಗ್ ವ್ಯವಸ್ಥೆ ಮಲ್ದಿಜ್ಜಂಡ್. ಅಂಚಾದ್ ರಾಷ್ಟ್ರೀಯ ಪೆರ್ಸಾದಿ 169ಟೇ ಗಾಡಿಲೆನ್ ಉಂತಾದಿತ್ತ್ದ್, ಸಂಚಾರೊಗು ಭಾರೀ ಅಡ್ಡ ಆತ್ಂಡ್.
ಈ ಅವ್ಯವಸ್ಥೆರ್ದಾವರ ಸಾರ್ವಜನಿಕೆರೆಗ್ ಉಪದ್ರ ಆದಿತ್ತ್ದ್, ಅಪಾಯಕರ ಪರಿಸ್ಥಿತಿ ಉಂಡಾತ್ಂಡ್ ಪನ್ದ್ ಪೊಲೀಸೆರ್ ತೆರಿಪಾದೆದ್. ಅಂಚಾದ್ ಹಾಲ್ದ ದನಿ ಬೊಕ್ಕ ಕಾರ್ಯಕ್ರಮ ಆಯೋಜಕೆರೆ ಮಿತ್ತ್ ಬಜ್ಪೆ ಪೊಲೀಸ್ ಸ್ಟೇಶನ್ಡ್ ಸ್ವಯಂ ಪ್ರೇರಿತ ಪ್ರಕರಣ ದಾಕಲ್ತೊಂದೆರ್.
ಭಾರತೀಯ ನ್ಯಾಯ ಸಂಹಿತೆ (BNS) ಕಲಂ 126(2), 285, 292 ಬೊಕ್ಕ ಮೋಟಾರ್ ವಾಹನ ಕಾಯ್ದೆ (IMV Act) ಕಲಂ 122 ದ ಅಡಿಟ್ ಪ್ರಕರಣ ದಾಕಲ್ತೊಂದು, ಜಡ್ತೆ ಮಲ್ತೊಂದುಲ್ಲೆರ್.