Last updated on April 16th, 2026 at 03:57 pm
ಬೋಲ್ತೇರ್, ಏ. 16: ನಾಯಿ ಒಂಜಿ ಒರರ್ದ್ ಒರಾನೆ ಸಾದಿಗ್ ಅಡ್ಡ ಬತ್ತಿನೆರ್ದಾವರ ರಿಕ್ಷಾ ಕಬ್ಬೆ ಬೂರ್ದು ಡ್ರೈವರ್ ತೀರ್ದಿನ ನಡಕೆ ಅರ್ವ ಡ್ ನಡತ್ದ್ಂಡ್.
ತೀರ್ದಿನಾರೆನ್ ನಾವರ ಗ್ರಾಮೊದ ಹಾರಡ್ಡೆ ನಿವಾಸಿ ದೇವಪ್ಪ @ ಸುಧಾಕರ (37) ಪನ್ದ್ ಗುರ್ತ ಪತ್ತ್ದೆರ್. ಅರ್ವ ಸತ್ಯದೇವತೆ ದೈವಸಾನೊದ ಕೈತಲ್ ಈ ನಡಕೆ ನಡತ್ದ್ಂಡ್. ಗುರುವಾಯನಕೆರೆ ದಂಚಿರ್ದ್ ಅರ್ವದಂಚಿ ಬಾಡಾಯಿ ಮುಗಿತ್ದ್ ಪಿರ ಪೋವೊಂದುಪ್ಪುನಗ, ಸಾದಿಗ್ ಒರರ್ದ್ ಒರಾನೆ ನಾಯಿ ಅಡ್ಡ ಬತ್ತಿನೆರ್ದಾವರ ಡ್ರೈವರ್ನ ಅಂಕೆ ತತ್ತ್ದ್ ರಿಕ್ಷಾ ಕಬ್ಬೆ ಬೂರ್ದ್ಂಡ್. ಈ ನಡಕೆಡ್ ಗಾತಿದ ಗಡಿಕುಲಾಯಿನ ಡ್ರೈವರ್ ದೇವಪ್ಪ ಅಲಿಯಾಸ್ ಸುಧಾಕರ್ ಮೆರೆನ್ ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಪೋಪಿ ಸಾದಿ ನಡುಟೇ ಆರ್ ತೀರ್ದೆರ್. ವೇಣೂರ್ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತಿತ್ತ್ದ್, ಪ್ರಕರಣ ದಾಕಲ್ತೊಂದೆರ್.