Last updated on April 16th, 2026 at 04:38 pm
ಸುಳ್ಯ: ಅಜ್ಜಾವರ ಮೇನಾಲ ದರ್ಗಾದ ಎದುರುದ 150 ವರ್ಸರ್ದ್ಲಾ ಎಚ್ಚ ಪ್ರಾಯೊದ ಪೆಲತ ಮರಟ್ ಈ ಸರ್ತಿ ಆತಿನ ಒಂಜೇ ಒಂಜಿ ಪೆಲಕಾಯಿ 10 ಸಾರ ರೂ. ಗ್ ಏಲಂ ಆತ್ಂಡ್..!
ಪಾಕ ವರ್ಸೊರ್ದಿಂಚಿ ಅಪರೂಪಗೊರ ಫಲ ಕೊರ್ಪುನ ಬರ್ಕೆ ಜಾತಿದ ಪೆಲಕಾಯಿ ಉಂದಾದಿತ್ತ್ದ್ ಅವೆತ ಗುಜ್ಜೆ, ಪರ್ನ್ದ್ ಏರೆನ ಕಕ್ಲಾ ತಿಕ್ಕೆದಿಜಿ. ಈ ಸರ್ತಿ ಇಡೀ ಮರೊಟು ಕಾಲಿ ಒಂಜಿ ಪೆಲಕಾಯಿ ಆದಿತ್ತ್ಂಡ್.
ಎ.14ಕ್ ಉರೂಸ್ ಲೇಸ್ ಮುಗಿನೆರ್ದಾವರ, ಎ.15ತಾನಿ ಕಾಂಡೆ ಪಲ್ಲಿದ ಲೆಕ್ಕೊಡು ಈ ಪೆಲಕಾಯಿ ನ್ ಕೊಯ್ದ್ ಏಲಂ ಗ್ ದೀತೆರ್. ರೂ. 1000 ರ್ದ್ ತೊಡಂಗಿನ ಏಲಂ ಡ್ 150ರ್ದ್ಲಾ ಎಚ್ಚ ಜನ ಪಾಲ್ಪಡೆಯೆರ್. ಅಕೇರಿಗ್ ಸಾದೀತ್ ಪನ್ಪಿನಾರ್ ರೂ.10 ಸಾರ ಕೊರ್ದು ಪೆಲಕಾಯಿ ಗೆತೊಂಡೆರ್.