Last updated on May 2nd, 2026 at 02:16 pm
ಬೆಂಗಳೂರ್, ಮೇ 02: ಬಾಗಲೂರು-ಹೆಣ್ಣೂರು ಸಾದಿಡ್ ಸಾದಿ ಕಡಪೆರೆ ಉಂತುದಿತ್ತಿನ ಪೊರ್ತುಡು ತರೆ ತಿರ್ಗ್ದ್ ಬೂರ್ನ ವಿದ್ಯಾರ್ಥಿನ ಮಿತ್ತ್ಡೆನೇ ಬಸ್ ಪೋದು ಆಯೆ ಅಲ್ಪನೇ ತೀರ್ದಿನ ಭೀಕರ ನಡಕೆ ಇನಿ, ಶನಿವಾರ ನಡತ್ದ್ಂಡ್. ವರುಣ್ (16) ತೀರ್ದಿನ ಆಣ್.
ಇಂಚಿಪ ಆತೇ ಎಸ್ಎಸ್ಎಲ್ಸಿ ಪರೀಕ್ಷೆಡ್ ಉನ್ನತ ಶ್ರೇಣಿಡ್ ಪಾಸ್ ಆದಿತ್ತಿನ ವರುಣ್, ಉಸಾರ್ ತತ್ತ್ದ್ ಇತ್ತಿನ ಅಮ್ಮೆರೆಗ್ ಮರ್ದ್ ಕನಯೆರ ಇನಿ ಕಾಂಡೆ 11 ಗಂಟೆದ ಅಂದಾಜಿಗ್ ಸಾದಿ ಕಡತೊಂದಿತ್ತೆ. ಈ ಪೊರ್ತುಡು ವೈಟ್ ಟ್ಯಾಪಿಂಗ್ ಬೇಲೆರ್ದಾವರ ಟ್ರಾಫಿಕ್ ಕಂಜೆಶ್ಷನ್ ಎಚ್ಚ ಆದಿತ್ತ್ದ್ , ಸಾದಿ ಕಡಪೆರ ಕಾತ್ ಕಾತ್ದ್ ಬಚ್ಚಿನ ವರುಣ್ ತರೆ ತಿರ್ಗ್ದ್ ಬೂರ್ದೆ. ಅವ್ವೇ ಪೊರ್ತುಡು ಬೀಸ ಬತ್ತಿನ ಪ್ರೈವೇಟ್ ಬಸ್ ಆಯನ ತರೆತ ಮಿತ್ತ್ಡೆನೇ ಪೋತುಂಡು. ಈ ದೃಶ್ಯ ಸಿಸಿಟಿವಿಡ್ ಕೈದಾದಿತ್ತ್, ಹೆಣ್ಣೂರು ಸಂಚಾರಿ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.