ಅಂಬಲ್ಪಾಡಿ ಮಿತ್ತ‌ಸಂಕ: ಜೂನ್‌ಡ್ ಒಂಜಿ ಮೆಯಿ ಗಾಡಿಲು ಪೋಯೆರ ಓಪನ್: ಕೋಟ ಪೂಜಾರ್ಲು

Last updated on May 14th, 2026 at 10:35 am

ಒಡಿಪು: : ಅಂಬಲ್ಪಾಡಿ ಮಿತ್ತ‌ಸಂಕದ ಬೇಲೆ ಒಂಜರೆ ವರ್ಸೊರ್ದಿಂಚಿ ನಡತೊಂದುಂಡು. ಬೇಲೆ ಇತ್ತೆ ಕಡೇತ ನಿಲವುಗು ಎತ್ತ್‌ದಿತ್ತ್‌ದ್, ಜೂನ್ ಸುರುತ ವಾರೊಡು ಒಂಜಿ ಮೆಯಿ ಗಾಡಿಲು ಪೋವರೆ ಓಪನ್ ಆಪುಂಡು ಪನ್ದ್ ಸಂಸದೆ ಕೋಟ ಶ್ರೀನಿವಾಸ ಪೂಜಾರ್ಲು ಪನ್ಡೆರ್.

ಆರ್ ಬುಧವಾರ ಅಧಿಕಾರಿಲೆನ ಒಟ್ಟುಗು ಜಾಗೆಗ್ ಬತ್ತ್‌ದ್ ಬೇಲೆ ತೂದು ಬೊಕ್ಕ ಪಾತೆರ್ದ್, ಅಂಬಲ್ಪಾಡಿಡ್ ಗಾಡಿಲು ಎಚ್ಚ ಬರ್ಪುನ ಅಂಚೆನೇ ಟ್ರಾಫಿಕ್ ಜಾಮ್‌ರ್ದಾವರ ಎಡ್ತೆಲು ನಡತೊಂದುಪ್ಪುನ ಬಗೆಟ್ ಒಯಿಲ್‌ಲ್ ಬೈದ. ಮಿತ್ತಸಂಕ ವಾಹನ ಸಂಚಾರೊಗು ಮುಕ್ತ ಆಂಡ ಗಾಡಿಲೆನ ಒತ್ತಮೆದ ಪಡಾಯಿ ಒಂಜಿ ಮಟ್ಟ್‌ಗ್ ಅಂಕೆಗ್ ಬರ್ಪುಂಡು. ಮೇ ಅಕೇರಿಗ್ ದುಂಬು ಮಿತ್ತಸಂಕೊದ ಒಂಜನೇ ನಿಲವುದ ಬೇಲೆ ಮುಗಿಪೆರೆ ಪುನೆಯೊಂದಿತ್ತ್ಂಡಲಾ ತಾಂತ್ರಿಕ ನೆವನೊಲೆರ್ದಾವರ ಜೂನ್ ಸುರುತ ವಾರೊಡು ಮಿತ್ತಸಂಕೊದ ಸುರುತ ನಿಲವುದ ಬೇಲೆ ಆದ್ ಉದಿಪನ ಆವರೆ ಉಂಡು. ಈ ಪೊರ್ತುಡು ರಾಷ್ಟ್ರೀಯ ಪೆರ್ಸಾದಿ ಇಲಾಖೆದ ಎಂಜಿನಿಯರ್ ನವೀನ್ ಬೊಕ್ಕ ಊರ್‌ದಕುಲು ಒಟ್ಟುಗಿತ್ತೆರ್.