Last updated on June 1st, 2026 at 03:21 pm
ಬಂಟ್ವಾಳ, ಜೂ. 01: ಇಲ್ಲಡ್ ಅಗೆಲ್ದಲ್ಪ ಬೇಲೆದ ವಿಚಾರೊಡು ಸುರು ಆಯಿನ ಲಡಯಿ ಕೆರ್ಪುನಡೆ ಮುಟ್ಟ ಎತ್ತಿನ ನಡಕೆ ಬಂಟ್ವಾಳ ತಾಲೂಕ್ದ ಪಿಲಾತಬೊಟ್ಟುಡು ನಡತ್ದ್ಂಡ್.
ಪಿಲಾತಬೊಟ್ಟು ನಿವಾಸಿ ಶೇಖರೆ (43) ಪನ್ಪಿನಾರೆನ ಇಲ್ಲಡ್ ಮೇ 31ತ ರಾತ್ರೆ ಅಗೆಲ್ ಬಲಸೆರೆ ಇತ್ತ್ಂಡ್. ಈ ಪೊರ್ತುಡು ಶೇಖರೆರೆನ ಮೆಗ್ಯೆ ಮಧುಸೂದನೆ ಬೊಕ್ಕ ಆರೆನ ಕುಡೊರಿ ಮೆಗ್ಯನ ಮಗೆ ರಾಹುಲ್ನ ನಡುಟು ಬೇಲೆದ ವಿಚಾರೊಗು ಪಾತೆರೊಗು ಪಾತೆರ ಬುಲೆದ್ಂಡ್ಗೆ.
ಅಂಚ ಪಿಸ್ರ್ಡ್ ಅಲ್ಪರ್ದ್ ರಾಹುಲ್ ಪೋತೆ. ಲೇಸ್ ಮಾತಾ ಮುಗಿಬೊಕ್ಕ ಇಲ್ಲದ ಕೈತಲ್ ಲಡಯಿದ ಶಬ್ದ ಕೇನ್ದ್ ಬೈದಿತ್ತ್ದ್, ಅಡೆಗ್ ಬತ್ತಿನ ಇಲ್ಲದಕಲೆಗ್ ರಾಹುಲ್ ಬಿಯರ್ ಬಾಟ್ಲಿಡ್ ಮಧುಸೂದನೆರೆನ ಕೆಕ್ಕಿಲ್ಗ್ ಕುತ್ತುದಿನ ತೆರಿದ್ ಬೈದ್ಂಡ್.
ಗಾತಿದ ಗಡಿಕುಲಾದಿತ್ತಿನ ಮಧುಸೂದನ (37) ರೆನ್ ಅಪಗನೇ ಬಂಟ್ವಾಳ ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಡಾಕ್ಟರ್ ಪರೀಕ್ಷೆ ಮಲ್ತ್ದ್ ತೀರ್ದೆರ್ ಪನ್ದ್ ಘೋಷಣೆ ಮಲ್ತ್ದೆರ್
ನಡಕೆಗ್ ಸಂಬಂಧಿತ್ದ್ ಪುಂಜಾಲಕಟ್ಟೆ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಭಾರತೀಯ ನ್ಯಾಯ ಸಂಹಿತೆ (BNS) 2023ತ ಕಲಂ 103 ತ ಅಡಿಟ್ ಅ.ಕ್ರ. 58/2026 ಪ್ರಕರಣ ದಾಕಲಾತ್ಂಡ್. ಆರೋಪಿ ರಾಹುಲ್ ನ್ ಉಲಕೈ ಮಲ್ತೊಂದು ಪೊಲೀಸೆರ್ ವಿಚಾರಣೆ ಮಲ್ತೊಂದಿತ್ತ್ದ್, ನನದ ಕಾನೂನು ಕ್ರಮ ಗೆತೊನೊಂದುಲ್ಲೆರ್.