Last updated on June 16th, 2026 at 11:12 am
ದೆಲ್ಲಿ, ಜೂ, 16: ವೈದ್ಯಕೀಯ ಪ್ರವೇಶ ಪರೀಕ್ಷೆ ನೀಟ್ (NEET-UG 2026) ದ ಮಗ್ರ್-ಪರೀಕ್ಷೆನ್ ಬಾರೀ ಪಾರದರ್ಶಕ ಬೊಕ್ಕ ಸುರಕ್ಷಿತವಾದ್ ನಡಪಾವುನ ಉದ್ದೇಶೊಡು ಕೇಂದ್ರ ಸರ್ಕಾರ ದೇಶೊಡೊರ್ಮೆ ಜನಪ್ರಿಯ ಮೆಸೇಜಿಂಗ್ ಆ್ಯಪ್ ‘ಟೆಲಿಗ್ರಾಮ್’ (Telegram) ನ್ ತಾತ್ಕಾಲಿಕವಾದ್ ಬ್ಯಾನ್ ಮಲ್ಪೆರ ನಿರ್ಧಾರ ಗೆತೊಂದುಂಡು.
ಕೇಂದ್ರ ಎಲೆಕ್ಟ್ರಾನಿಕ್ಸ್ ಬೊಕ್ಕ ಮಾಹಿತಿ ತಂತ್ರಜ್ಞಾನ ಸಚಿವಾಲಯ (MeitY) ಕೊರ್ತಿನ ಅಧಿಕೃತ ನಿರ್ದೇಶನೊದ ಪ್ರಕಾರ, ಭಾರತೊಡು ಜೂನ್ 22, 2026 ಮುಟ್ಟ ಟೆಲಿಗ್ರಾಮ್ ಸೇವೆಲು ತಾತ್ಕಾಲಿಕವಾದ್ ಇಪ್ಪುಜ. ಜೂನ್ 21 ತಾನಿ ದೇಶೊಡೊರ್ಮೆ ಭಾರೀ ಭದ್ರತೆಡ್ ನೀಟ್ (UG) ಪರೀಕ್ಷೆ ಕುಡೊರ ನಡಪರೆ ಇತ್ತ್ದ್, ಪರೀಕ್ಷೆಗ್ ಸಂಬಂಧಿತಿನ ಒವ್ವೇ ಒಲವು ಅತ್ತ್ಂಡ ಪ್ರಶ್ನೆಪತ್ರಿಕೆಲು ಸಾಮಾಜಿಕ ಬಲೆತ್ತಾನೊಡು ಲೀಕ್ ಆವಂದಿಲೆಕ ತಡೆಯೆರ ಈ ದುಂಬೆಚ್ಚರ್ಗೆದ ಕ್ರಮ ಗೆತೊಂದೆರ್.