Last updated on June 16th, 2026 at 01:50 pm
ದೆಲ್ಲಿ, ಜೂನ್ 16: ನನ ದುಂಬಗ್ ಮೆಡಿಕಲ್ ಶಾಪ್ಡ್ ಡಾಕ್ಟ್ರೆನ ಪ್ರಿಸ್ಕ್ರಿಪ್ಷನ್ ದಾಂತೆ ತೆಮ್ಮದ/ಚೆಮ್ಮದ ಸಿರಪ್(Cough Syrup) ಕೊರ್ಯೆರ ಬಲ್ಲಿ ಪನ್ದ್ ಕೇಂದ್ರ ಸರ್ಕಾರ ಪೊಸ ನಿಯಮೊನು ಜಾರಿ ಮಲ್ದ್ಂಡ್. ಸಾರ್ವಜನಿಕ ಆರೋಗ್ಯ ರಕ್ಷಣೆನ್ ಗಟ್ಟಿ ಮಲ್ಪೆರ ಅಂಚೆನೇ ತೆಮ್ಮದ ಸಿರಪ್ಲೆನ ದುರುಪಯೋಗೊನು ಉಂತಾಯೆರ ಕೇಂದ್ರ ಸರ್ಕಾರ ಬಾರೀ ಮಹತ್ವೊದ ಆದೇಶೊನು ಕೊರ್ತುಂಡು. ಕೇಂದ್ರ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಸಚಿವಾಲಯ ಜೂನ್ 9ದಾನಿ ಪಿದಡ್ಪಾದಿನ ಅಧಿಸೂಚನೆದ ಪ್ರಕಾರ, ನನ ದುಂಬಗ್ ಡಾಕ್ಟ್ರೆನ ಅಧಿಕೃತ ಪ್ರಿಸ್ಕ್ರಿಪ್ಷನ್ ದಾಂತೆ ಒವ್ವೇ ತೆಮ್ಮ, ಶೀತ ಬೊಕ್ಕ ಜ್ವರಕ್ ಸಿರಪ್ ಗೆತೊನ್ರ ಸಾಧ್ಯ ಇಜ್ಜಿ.
ಕೇಂದ್ರ ಸರ್ಕಾರ 1945ತ ಪರ ಔಷಧ ನಿಯಮೊಲೆನ ಪಟ್ಟಿಡ್ ಕೆ ಸಿರಪ್ ಪದೊನು ಅಧಿಕೃತವಾದ್ ದೆತ್ತ್ದ್ ಪಾಡ್ದ್ಂಡ್. ಈ ದುಂಬು 1,000 ರ್ದ್ ಕಮ್ಮಿ ಜನಸಂಖ್ಯೆ ಇತ್ತಿನ ಎಲ್ಯ ಊರ್ರೆಡ್ ತೆಮ್ಮದ ಸಿರಪ್ ಮಾರ್ಯೆರ ಕೆಲ ಲೈಸೆನ್ಸ್ ನಿಯಮೊಲೆನ್ ಬುಡುಪತ್ತ್ದಿತ್ತೆರ್. ಆಂಡ ನನ ಎಲ್ಯ ಊರ್ಲೆಡ್ಲಾ ಲೈಸೆನ್ಸ್ದಾಂತೆ ಸಿರಪ್ ಮಾರ್ಯೆರ ಇಜ್ಜಿ.
ಪೊಸ ಪಗತೆರ್ದ್ ಬೊಕ್ಕ, ಮಾತಾ ಬಗೆತ ತೆಮ್ಮದ ಸಿರಪ್ಲೆನ್ 1940 ದ ಮರ್ದ್ಲ್ ಬೊಕ್ಕ ಸೌಂದರ್ಯವರ್ಧಕೊಲೆನ ಕಾಯ್ದೆದ ಅಡಿಟ್ ಲೈಸೆನ್ಸ್ ಇತ್ತಿನ ಔಷಧಾಲಯೊಲೆನ ಮುಕೇನ ಮಾತ್ರ ಮಾರೊಡು. ಗ್ರಾಹಕೆರ್ ಡಾಕ್ಟ್ರೆನ ಚೀಟಿ ತೋಜಾವುನ ಇತ್ತೆ ಕಡ್ಡಾಯ ಆತ್ಂಡ್.