Last updated on June 25th, 2026 at 11:30 am
ಬೋಲ್ತೇರ್, ಜೂ. 24: ಅಪ್ರಾಪ್ತ ಪ್ರಾಯೊದ ಪೊಣ್ಣನ ಮಿತ್ತ್ ಇರ್ವೆರ್ ಅಪ್ರಾಪ್ತ ಪ್ರಾಯೊದ ಆಣುಲು ಲೈಂಗಿಕ ದೌರ್ಜನ್ಯ ಮಲ್ತ್ದ್, ಪೋಡಿಕಟ್ಟಾದಿನ ಬಗೆಟ್ ವೇಣೂರ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಆರೆನ ಅಪ್ರಾಪ್ತ ಮಗಲೆನ ಮಿತ್ತ್ ಲೈಂಗಿಕ ದೌರ್ಜನ್ಯ ನಡತಿನ ಬಗೆಟ್, ಒಯಿಲ್ ಬರೆಪಾದಿನಾರೆಗ್ ಇಂಚಿಪ ತೆರಿದ್ ಬೈದ್ಂಡ್. ಅಂಚಾದ್ ಆರ್ ಆರೆನ ಮಗಲೆಡ ಕೇನ್ನಗ, ಅಕ್ಲೆನ ಸಂಬಂಧೊದ ಅಪ್ರಾಪ್ತೆ ಆಣ್ ಬೊಕ್ಕ ಆಯನ ದೋಸ್ತಿ ಕುಡೊರಿ ಅಪ್ರಾಪ್ತೆ ಆಣ್ ಕೂಡೊಂದು ಅತ್ಯಾಚಾರ ಮಲ್ದಿನ ತೆರಿದ್ ಬೈದ್ಂಡ್.
ಈ ಇರ್ವೆರ್ ಅಪ್ರಾಪ್ತ ಆಣುಲು ಕೂಡ್ದ್ 2023 ಟ್, ಬೋಲ್ತೇರ್ಡ್ ಇಪ್ಪುನ ಒಂಜಿ ಡ್ಯಾಂ ದ ಕೈತಲ್ ಇಪ್ಪುನ ಕಟ್ವಾನೊಗು ಸಂತ್ರಸ್ತೆದಿ ಪೊಣ್ಣನ್ ಲೆತೊಂದು ಪೋದು ಲೈಂಗಿಕ ದೌರ್ಜನ್ಯ ಮಲ್ದಿನ ಅಂಚನೇ ಪೊಣ್ಣನ್ ಪೋಡಿಕಟ್ಟಾದಿನ ತೆರಿದ್ ಬೈದ್ಂಡ್.
ಈ ಬಗೆಟ್ ಜೂ. 23ತಾನಿ ವೇಣೂರ್ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್. ಒಯಿಲ್ದ ಆಧಾರೊಡು ಕಲಂ: 376, 376AB, 376DB, 506 ಒಟ್ಟುಗು 34 ಐ.ಪಿ.ಸಿ ಬೊಕ್ಕ ಕಲಂ: 6 ಪೋಕ್ಸೋ ಕಾಯಿದೆ- 2012, ದ ಪ್ರಕಾರ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.