Last updated on June 25th, 2026 at 09:30 am
ಬೆಂಗಳೂರು: ದ್ರಾವಿಡ ಭಾಷೆದ ಅನುವಾದಕೆರೆನ ಸಂಘೊ (ಡಿಬಿಟಿಎ) ಕೊರ್ಪಿನ 2026ನೇ ಅನುವಾದ ಪ್ರಶಸ್ತಿಗ್ ಅರ್ಜಿ ಪಾಡೆರೆ ಕಡೆತ ತೇದಿನ್ ಜುಲೈ 15, 2026 ಮುಟ್ಟ ದೂಂಬು ಪಾಡ್ದ್ಂಡ್ ಪಂದ್ ಸಂಘ ತೆರಿಪಾದ್ಂಡ್.
ದ್ರಾವಿಡ ಭಾಷೆಲೆಲಾಯಿನ ತುಳು, ಮಲಯಾಳಂ, ಕನ್ನಡ, ತಮಿಳ್ ಭಾಷೆಲೆಡ್ದ್ ತೆಲುಗು ಭಾಷೆಗ್ ಅನುವಾದ ಆಯಿನ ಕಾದಂಬರಿಲೆಗ್ ಈ ವರ್ಸೊದ ಪ್ರಶಸ್ತಿನ್ ಕೊರ್ಪೆರ್. 2024 ಬೊಕ್ಕ 2025ಡ್ ಪ್ರಕಟ ಆಯಿನ ಅನುವಾದ ಆಯಿನ ಕೃತಿಲೆನ್ ಮಾತ್ರ ಲೆಕ್ಕೊಗು ದೆತೊನುವೆರ್.
ಪ್ರಶಸ್ತಿಗಾದ್ ಅರ್ಜಿ ಪಾಡುನಕುಲು ಅನುವಾದ ಮಲ್ತಿನ ಕೃತಿದ ಮೂಜಿ ಪ್ರತಿಲೆನ್, “ಅಧ್ಯಕ್ಷೆರ್ DBTA, ಶ್ರೀ ಭೈರವೇಶ್ವರ ನಿಲಯ, ಇಮ್ಮಡಿಹಳ್ಳಿ ಮುಖ್ಯ ರಸ್ತೆ, ಹಾಗದೂರು, ವೈಟ್ ಫೀಲ್ಡ್, ಬೆಂಗಳೂರು – 560066” ಗ್ ಜುಲೈ 15 ತಾರೀಕ್ ದ ದುಂಬು ಕಡಪುಡೊಡು.
₹11,111 ಪಣವು ಬಹುಮಾನ, ಒಂಜಿ ಉಲ್ಲೇಖ ಬೊಕ್ಕ ಒಂಜಿ ಅಂಬಲೇಜ್ಯ ಒಟ್ಟುಗು ಕೊರ್ಪುನ ಈ ಪ್ರಶಸ್ತಿನ್ ಸೆಪ್ಟೆಂಬರ್ ಡ್ ನಡಪುನ ಸಂಘೊದ ಐನ್ ನೇ ವಾರ್ಷಿಕೋತ್ಸವದ ಕಾರ್ಯಕ್ರಮೊಡು ಕೊರ್ಪೆರ್ ಪಂದ್ ಸ್ಥಾಪಕ ಅಧ್ಯಕ್ಷೆದಿ ಡಾ. ಸುಷ್ಮಾ ಶಂಕರ್ ತೆರಿಪಾದೆರ್.
DBTA ಅನುವಾದ ಪ್ರಶಸ್ತಿನ್ 2024ಡ್ ತಮಿಳು ಅನುವಾದೊಗು ಬೊಕ್ಕ 2025ಡ್ ಕನ್ನಡ ಅನುವಾದೊಗು ಕೊರ್ತೆರ್. 2027ಡ್ ಮಲಯಾಳಂ ಅನುವಾದೊಗು ಕೊರ್ಪೆರ್.
ಎಚ್ಚಿನ ಒಲವುಗು: 9901041889, 8147212724