Last updated on June 27th, 2026 at 02:14 pm
ಬೆಂಗಳೂರ್, ಜೂ. 27: ಕಂಬುಲ ಕುಡ್ಲಡೇ ಇಪ್ಪಡ್, ಬೆಂಗಳೂರ್ಡ್ ಬೊರ್ಚಿ, ಮೈಸೂರ್ಡ್ ಬೊರ್ಚಿ, ಉಂದು ನಾಟಕ ಅತ್ತ್ ಪನ್ದ್ ಮೈಸೂರ್ ಕಂಬುಲದ ಬಗೆಟ್ ಮಾಧ್ಯಮೊಲು ಕೇನ್ಡಿನ ಕೇನ್ಪುಗ್ ಸದು ಕೊರೊಂದು ವಾಟಾಳ್ ನಾಗರಾಜ್ ಪನ್ಡೆರ್.
ಕಂಬುಲ ತುಳುನಾಡ್(ಕುಡ್ಲ)ಡ್ ಇತ್ತ್ಂಡ ಯಾರು, ಕುಡ್ಲಡೇ ಐತಿಹಾಸಿಕವಾದ್ ಆವೊಂದಿತ್ತ್ಂಡ್. ತುಳುನಾಡ್ಡ್ ಮಲ್ತ್ಂಡನೇ ಐಕೊಂಜಿ ಮರ್ಯಾದಿ, ತುಳುನಾಡ್ಡ್ ಮಲ್ತ್ಂಡನೇ ಐಕೊಂಜಿ ಗೌರವ. ಆ ಎರ್ಲೆನ್ ಇಡೆ ಮೈಸೂರ್ಗ್ ಲೆತೊಂದು ಬತ್ತ್ದ್, ಕೆರೆ ಮಲ್ತ್ದ್, ನೀರ್ ಪಾಡ್ದ್ , ತೂವೊನನೇ ಬಂಙ. ಇತ್ತೆ ದಸರಾದ ಆನೆಲೆನ್ ಸಾಂಕೆರನೇ ಬಂಙ ಆವೊಂದುಂಡು, ನನ ಎರ್ಲೆನ್ಲಾ ಕನಪುನ ಸಮ ಅತ್ತ್ ಪನ್ದ್ ಆರ್ ಪನ್ಡೆರ್.
ತುಳುನಾಡ್ಡ್ಲಾ ತುಳುವ ಸಂಸ್ಕೃತಿನ್ ಪಿದಯಿ ಊರುಗು ಗಮ್ಮತ್ತ್ದ ಪುದರ್ಡ್ ಕೊನೊಪುನೆಕ್ ವಿರೋಧ ತೋಜಿದ್ ಬರೊಂದುಂಡು. ನಮ್ಮನೇ ಊರ್ಡ್ ನಮ್ಮನೇ ಊರ್ದ ಕೋರ್ದಟ್ಟನ್ ಬ್ಯಾನ್ ಮಲ್ತ್ದ್, ಮುಲ್ತ ಕಂಬುಲನ್ ಅಡೆ ಕೊನೊದು ದಾದ ಸಾದ್ಯೆರೆ ತೂವೊಂದುಲ್ಲೆರ್ ಪನ್ದ್ ಜನೊಕುಲು ಪಾತೆರೊಂದೆಲ್ಲೆರ್.