Last updated on July 1st, 2026 at 10:09 am
ದೆಲ್ಲಿ, ಜು. 01: ಜಾಗತಿಕ ಮಾರ್ಕೆಟ್ಡ್ ಕಚ್ಚಾ ತೈಲೊದ ಬಿಲೆ ಜತ್ತಿನೆರ್ದಾವರ ಪ್ರೈವೇಟ್ ತೈಲ ಮಾರಾಟ ಸಂಸ್ಥೆ ನಯಾರಾ ಎನರ್ಜಿ ಬುಧವಾರೊರ್ದು ದೇಶೊಡೊರ್ಮೆ ತನ್ನ ಪೆಟ್ರೋಲ್ ಬಂಕ್ಲೆಡ್ ಪೆಟ್ರೋಲ್ ರೇಟ್ನ್ ಲೀಟರ್ಗ್ 5 ರೂ. ಅಂಚೆನೇ ಡೀಸೆಲ್ ರೇಟ್ನ್ 3 ರೂ. ಕಮ್ಮಿ ಮಲ್ದ್ಂಡ್.
ಕರಿನ ರಡ್ಡ್ ವರ್ಸೊರ್ದಿಂಚಿ ಕಡೀರ ಸರ್ತಿ ಇಂಧನ ಬಿಲೆ ಜಪ್ಪಾಯಿನ ಕಡೀರ ತೈಲ ಚಿಲ್ಲರೆ ಮಾರಾಟ ಸಂಸ್ಥೆ ಆದುಂಡು ನಯಾರಾ ಎನರ್ಜಿ.
ಪಶ್ಚಿಮ ಏಷ್ಯಾಡು ಉದ್ವಿಗ್ನ ಪರಿಸ್ಥಿತಿ ಸಮ ಆವೊಂದು ಬೈದಿನ ಅಂಚೆನೇ ಪ್ರಮುಖ ಸಮುದ್ರ ಮಾರ್ಗಡ್ ಕುಡ ಪಡವುಲು ಪೋಯೆರ ತೊಡಂಗ್ದಿನೆರ್ದಾವರ ಅಂತಾರಾಷ್ಟ್ರೀಯ ಮಾರ್ಕೆಟ್ಡ್ ಕಚ್ಚಾ ತೈಲ ಬೊಕ್ಕ ಎಲ್ಪಿಜಿ ದ ಸಪ್ಲೈ ಸಮ ಆತ್ಂಡ್. ಅಂಚಾದ್ ಕಚ್ಚಾ ತೈಲೊದ ಬಿಲೆ ಜತ್ತ್ದ್ಂಡ್.
ಆಂಡ ಸರಕಾರಿ ಸ್ವಾಮ್ಯೊದ ತೈಲ ಕಂಪೆನಿಲಾಯಿನ Indian Oil Corporation (2), Bharat Petroleum Corporation Limited (ಬಿಪಿಸಿಎಲ್) ಬೊಕ್ಕ Hindustan Petroleum Corporation Limited (ಎಚ್.ಪಿಸಿಎಲ್) ಇಂಧನ ಬಿಲೆಟ್ ಒವ್ವೇ ಪಗತೆ ಮಲ್ದಿಜ. ದೇಶೊದ ಒಂಜಿ ಲಕ್ಷೊಗ್ಲಾ ಎಚ್ಚಿನ ಇಂಧನ ಕೇಂದ್ರೊಲೆಡ್ ಶೇ.90ರ್ದ್ ಎಚ್ಚ ಪಾಲ್ ಈ ಮೂಜಿ ಕಂಪೆನಿಲೆನ ಆದುಂಡು.