Last updated on July 18th, 2026 at 09:51 am
ಉಬಾರ್, ಜು. 17: ಕುಡ್ಲ-ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿ 75ತ ಗೋಳಿತೊಟ್ಟು ಕೈತಲ್ದ ಸಣ್ಣಂಪಾಡಿ ಪನ್ಪಿನಲ್ಪ ಶುಕ್ರವಾರ ಬಯ್ಯಡ್ ಪೋವೊಂದಿತ್ತಿನ ಐಷಾರಾಮಿ ಬಿಎಂಡಬ್ಲ್ಯು (BMW) ಕಾರ್ ಒಂಜೆಟ್ ಭೀಕರ ಅಗ್ನಿ ದುರಂತ ನಡತ್ದ್ಂಡ್. ಇಡೀ ಕಾರ್ ಪೆರ್ಸಾದಿಡೇ ಪೊತ್ತುದು ಪೋದಿತ್ತ್ದ್, ಬೆರ್ಮೆರೆ ದಯೆಟ್ ಕಾರ್ಡ್ ಇತ್ತಿನ ನಾಲ್ವೆರ್ ಉಂಬರೊರ್ದು ಬಚಾವಾತೆರ್.
ಮೂಲೊಲೆನ ಪ್ರಕಾರ, ಈ ಐಷಾರಾಮಿ ಕಾರ್ ಕುಡ್ಲ ದಂಚಿರ್ದ್ ಬೆಂಗಳೂರ್ ದಂಚಿ ರಾಷ್ಟ್ರೀಯ ಪೆರ್ಸಾದಿಡ್ ಪೋವೊಂದಿತ್ತ್ಂಡ್. ಉಬಾರ್ ಕಡತ್ದ್ ಗೋಳಿತೊಟ್ಟು ಕೈತಲ್ದ ಸಣ್ಣಂಪಾಡಿ ಪನ್ಪಿನಡೆ ಎತ್ತ್ನಗ ಕಾರ್ದ ಇಂಜಿನ್ಡ್ ಒರಾನೆ ತಾಂತ್ರಿಕ ದೋಷ ತೋಜಿದ್ ಬತ್ತಿತ್ತ್ದ್ ಪುಗೆ ಲಕ್ಕ್ದ್ಂಡ್ಗೆ.
ಕಾರ್ದ ಇಂಜಿನ್ರ್ದ್ ಪುಗೆ ಬರ್ಪುನೆನ್ ತೂಯಿನ ಡ್ರೈವರ್, ಕಡೆಸ್ಸಂದೆ ಕಾರ್ನ್ ಪೆರ್ಸಾದಿದ ಬರಿಟ್ ಉಂತಾದೆರ್. ಕಾರ್ ಸೂ ಪತೊನುನೆಕ್ ದುಂಬೇ ಉಲಯಿ ಇತ್ತಿನ ನಾಲ್ವೆರ್ ಜತ್ತ್ದೆರ್. ಬೊಕ್ಕ ತೂಯಿತೂಯಿಲೆಕನೆ ಸೂ ಪತೊಂದು, ಸಾದಿಡೇ ಕಾರ್ ಪೊತ್ತುದ್ ಪೋತುಂಡು.