Last updated on July 30th, 2026 at 05:11 pm
ಕಡಬ, ಜು 30: ಕಡಬ ತಾಲೂಕ್ದ ನೆಲ್ಯಾಡಿ ಪೇಂಟೆಡ್ ಸಾದಿ ಬರಿಟ್ ಉಂತಾದಿತ್ತಿನ ಒಂಜಿ ಲಾರಿರ್ದ್ ಸುಮಾರ್ 400 ಲೀಟರ್ ಡೀಸೆಲ್ ನ್ ಕಲ್ವೆರ್ ಕನ್ಡ್ದಿನ ನಡಪು ತೆರಿದ್ ಬೈದ್ಂಡ್.
ಕುಡ್ಲರ್ದ್ ಬಾಕ್ಸೈಟ್ ಲೋಡ್ ದಿಂಜಾವೊಂದು ಪೋವೊಂದಿತ್ತಿನ ಲಾರಿದ ಡ್ರೈವರ್, ರಾತ್ರೆ ನೆಲ್ಯಾಡಿ ಪೇಂಟೆಡ್ ಸಾದಿ ಬರಿಟ್ ಲಾರಿನ್ ಉಂತಾದ್ ಇಲ್ಲಗ್ ಪೋದಿತ್ತೆರ್. ಮನದಾನಿ ಕಾಂಡೆ ಬತ್ತ್ದ್ ಲಾರಿ ಸ್ಟಾರ್ಟ್ ಮಲ್ತ್ದ್ ಪೋನಗ ಡೀಸೆಲ್ ಕಾಲಿಯಾದ್ ಸಾದಿಡೇ ಉಂತುದುಂಡು. ಪರಿಶೀಲನೆ ಮಲ್ಪುನಗ ಲಾರಿದ ಟ್ಯಾಂಕ್ಡ್ ಇತ್ತಿನ 400 ಲೀಟರ್ರ್ದ್ಲಾ ಎಚ್ಚ ಡೀಸೆಲ್ನ್ ಕಲ್ವೆರ್ ಕನ್ಡ್ದ್ ಪದ್ರಾಡಾತಿನ ತೋಜಿದ್ ಬೈದ್ಂಡ್. ನಡಪುಗು ಸಂಬಂಧಿತ್ದ್ ಪೊಲೀಸೆರೆಡ ಒಯಿಲ್ ಬರೆಪಾದಿತ್ತ್ದ್ ಜಡ್ತೆ ನಡತೊಂದುಂಡು.