Last updated on August 10th, 2026 at 03:48 pm
ಬಜ್ಪೆ, ಆಗಸ್ಟ್ 10: ಬಜ್ಪೆಗ್ ಕೈತಲ್ದ ಪೆರ್ಮುದೆಡ್ ಇಲ್ಲ ಜಾಲ್ಗ್ ಬತ್ತಿನ ಒಂಜಿ ಚಿಟ್ಟೆಪಿಲಿ ಅಲ್ಪನೇ ಜೆತ್ತಿತ್ತಿನ ನಾಯಿನ್ ತುಚೊಂದು ಪೊತಿನ ನಡಪು ನಡತ್ದ್ಂಡ್.
ಪೆರ್ಮುದೆದ ದಿವಂಗತ ಜಿ.ಕೆ. ನೋಣಯ್ಯ ಪೂಜಾರ್ಲೆನ ಇಲ್ಲಜಾಲ್ಗ್ ಬತ್ತಿನ ಚಿಟ್ಟೆಪಿಲಿ ಇಲ್ಲಬರಿಟ್ ಜೆತ್ತಿತ್ತಿನ ನಾಯಿದ ಮಿತ್ತ್ ದಾಳಿ ಮಲ್ತ್ದ್, ಅವೆನ್ ಬಾಯಿಡ್ ತುಚೊಂದು ಅಲ್ಪರ್ದ್ ಪೋತುಂಡು. ಚಿಟ್ಟೆಪಿಲಿ ನಾಯಿನ್ ತುಚೊಂದು ಕೊನೊಪುನ ಸಂಪೂರ್ಣ ದೃಶ್ಯ ಇಲ್ಲದ ಸಿಸಿಟಿವಿ ಕ್ಯಾಮೆರಾಡ್ ಕೈದಾತ್ಂಡ್. ರಾತ್ರೆದ ಪೊರ್ತುಡು ನಡತಿನ ಈ ನಡಪು ನೆಟೆದಕಲೆಡ ಪೋಡಿಗೆ ಉಂಡು ಮಲ್ದ್ಂಡ್.
ಇಲ್ಲಜಾಲ್ ಮುಟ್ಟಲಾ ಚಿಟ್ಟೆಪಿಲಿ ಬೈದಿನ ಜನೊಕ್ಲೆನ ಪೋಡಿಗೆಗ್ ನೆವನ ಆದಿತ್ತ್ದ್, ಇಂದೆಟೆ ನನಲಾತ್ ಚಿಟ್ಟೆಪಿಲಿಕ್ಲೆನ ಸವಾರಿ ಉಂಡಾ ಪನ್ಪಿ ಬಗೆಟ್ ಜನೊಕುಲು ಮಂಡೆಬೆಚ್ಚ ಮಲ್ತೊಂದೆರ್. ಚಿಟ್ಟೆಪಿಲಿಕುಲು ಅಪಗಪಗ ತೋಜಿದ್ ಬರೊಂದುಪ್ಪುನೆರ್ದಾವರ ಅರಣ್ಯ ಇಲಾಖೆ ಅಧಿಕಾರಿಲು ಬೋಡಾಪಿನ ಕ್ರಮ ಗೆತೊಂದು, ಜನೊಕ್ಲೆನ ಸುರಕ್ಷತೆಗ್ ದುಂಬೆಚ್ಚರ್ಗೆ ಮಲ್ಪೊಡು ಪನ್ದ್ ಒತ್ತಾಯ ಮಲ್ತ್ದೆರ್.