Last updated on August 28th, 2026 at 10:21 am
ಆ. 26: ಅಮೆರಿಕ ಕನ್ನಡೊ ಕೂಟೊಲೆನ ಸಂಘಟನೆ (ಅಕ್ಕ) ತನ್ನ 25ನೇ ವರ್ಸೊದ ಸಂಭ್ರಮಾಚರಣೆದ ಲೆಕ್ಕೊಡು ‘ಅಕ್ಕ ಸಿನಿಗನ್ನಡ ಚಲನಚಿತ್ರೋತ್ಸವ–2026’ ನ್ ಅಟ್ಟನೆ ಮಲ್ದ್ಂಡ್. ಈ ಚಲನಚಿತ್ರೋತ್ಸವಗ್ ಬೋಡಾದ್ ಕನ್ನಡ, ತುಳು, ಕೊಂಕಣಿ ಸೇರ್ದ್ 10 ಚಿತ್ರೊಲೆನ್ ಅಜತ್ದಿತ್ತ್ದ್, ಅವೆಟ್ ತುಳುತ ‘ಪಿದಾಯಿ’ ಚಿತ್ರೊಲಾ ಒಂಜಿ.
ಸಂತೋಷ್ ಮಾಡ ನಿರ್ದೇಶನ ಮಲ್ದಿನ ಅಂಚೆನೇ ಸುರೇಶ್ ಕೆ ನಿರ್ಮಾಣ ಮಲ್ದಿನ ‘ಪಿದಾಯಿ’ ಚಿತ್ರ ಮೂಜನೇ ಅತ್ಯುತ್ತಮ ಚಿತ್ರ ಆದ್ ಅಜತ್ ಬತ್ತ್ದ್ ಸೆಪ್ಟೆಂಬರ್ 4 ರ್ದ್ ಅಮೆರಿಕದ ಫಿಲಡೆಲ್ಫಿಯಾಡ್ ನಡಪುನ ಚಿತ್ರೋತ್ಸವಡ್ ಪ್ರದರ್ಶನ ಆವರೆ ಉಂಡು.
ಒಂಜಿ ಪರಕಾಲೊದ ಚಿಂತನೆದ ಇಲ್ಲಗ್ ಕಲ್ದಿನ ಪೊಣ್ಣು ಮಗಲೊರ್ತಿ ಮರ್ಮಲಾದ್ ಬತ್ತ್ದ್ ಪಿದಾಯಿದ ಪೊರ್ತುಡು ಅನುಭವಿಪೊಡಾಪುನ ಬೇನೆ, ಸಮಾಜೊದ ಪರ ಚಿಂತನೆಲೆಗ್ ತಿಗಲೆ ಕೊರ್ದು ಉಂತುನ ವಿಷಯೊದ ಸುತ್ತ ಸುತ್ತುನ ಈ ಮೂವೀಡ್ ಪ್ರೀತೇಶ್ ಬಲ್ಲಾಳ್ಬಾಗ್, ಪುಷ್ಪರಾಜ್ ಬೊಲ್ಲಾರ್, ಶರತ್ ಲೋಹಿತಾಶ್ವ, ರೂಪಾ ವರ್ಕಾಡಿ, ದೇವಿ ನಾಯರ್, ಇಳಾ ವಿಟ್ಲ, ದೀಪಕ್ ರೈ ಪಾಣಾಜೆ ಇಂಚಿನ ಕಲಾನಿದೆರ್ ನಟನೆ ಮಲ್ದೆರ್. ತುಳು ಸಾಹಿತಿ ಕುಶಾಲಾಕ್ಷಿ ಕಣ್ವತೀರ್ಥ ಈ ಸಿನಿಮಾಗ್ ಒಂಜಿ ಪದಲಾ ಬರೆತೆರ್.