Last updated on September 14th, 2026 at 12:32 pm
ಉಳ್ಳಾಲ, ಸೆ. 14: ಕರ್ನಾಟಕ ರಾಜ್ಯೊಡೇ ಕಡೀರ ಸರ್ತಿ ಒವ್ವೇ ನೋಟಿಸ್ ಕೊರಂದೆ ಮತದಾರೆರೆ ವಿಶೇಷ ಸಮಗ್ರ ಪರಿಷ್ಕರಣೆನ್ (ಎಸ್ಐಆರ್) ಯಶಸ್ವಿಯಾದ್ ನಡಪಾಯಿನ ಸಾದಗೊ ಮಂಗಳೂರು ಜಿಲ್ಲೆದ ಮಂಗಳೂರು ವಿಧಾನಸಭಾ ಕ್ಷೇತ್ರ (ಉಳ್ಳಾಲ)ದ ಉಳ್ಳಾಲ ನಗರಸಭೆತ 3ನೇ ವಾರ್ಡ್ ಸೇನೆರೆಬೈಲ್-1ತ 7ನೇ ಬೂತ್ಡ್ ದಾಕಲಾತ್ಂಡ್.
ಈ ಬೂತ್ಡ್ ಒಂಜೇ ಒಂಜಿ ಮ್ಯಾಪಿಂಗ್ ಬೊಕ್ಕ ತಾರ್ಕಿಕ ಎತ್ವಾಸಿ ದಾಕಲಾತಿಜಿ, ಒರಿಯೇ ಒರಿ ಮತದಾರಗ್ ನೋಟಿಸ್ ಕೊರ್ತುಜೆರ್ ಅಂಚೆನೇ ಪಟ್ಟಿರ್ದ್ ಪುದರ್ ದೆಪ್ಪಾದಿಜೆರ್. ಎಸ್ಐಆರ್ ಪ್ರಕ್ರಿಯೆದ ಪೊರ್ತುಡು ಬತ್ತಿನ ಗೊಂದಲೊಲೆಗ್ ಪಿರಿಕಟ್ಟ್ ಮಲ್ತೊಂದಿನೆಟ್ ಬಿಎಲ್ಒ, ಉಳ್ಳಾಲ ಕೋಡಿ ಪಲ್ಲಿದ ಕೈತಲ್ದ ಅಂಗನವಾಡಿ ಶಿಕ್ಷಕಿ ಅಮೃತಾ ರಾಹುಲ್ ಕರ್ಕೇರ ಮೆರೆನ ಮಲ್ಲ ಪಾಲ್ ಉಂಡು. ಆರ್ ಇಲ್ಲ್ಇಲ್ಲಡೆ ಪೋದು ಮತದಾರೆರೆಗ್ ಬೋಡಾಪಿನ ಒಲವು, ಫಾರಂ ದಿಂಜಾವುನು ಬೊಕ್ಕ ದಾಲೆಲೆನ ಬಗೆಟ್ ಸಮ ಮಾರ್ಗದರ್ಶನ ಕೊರ್ತಿನೆರ್ದಾವರ ನೂದೆಕ್ ನೂದು ಸಾದಗೊ ಬೆನ್ಯೆರೆ ಆತ್ಂಡ್.
ದ.ಕ. ಜಿಲ್ಲಾ ಪಂಚಾಯತ್ ಪೆರಿಯ ಪ್ರಾಥಮಿಕ ಶಾಲೆದ ಬೂತ್ಡ್ ಒಟ್ಟು 1447 ಮತದಾರೆರ್ ಉಲ್ಲೆರ್, ಒಂಜಿ ಸಾರೊರ್ದು ಎಚ್ಚ ಮತದಾರೆರ್ ಇತ್ತಿನೆರ್ದಾವರ ಅವೆನ್ ಪಾಲ್ ಮಲ್ತ್ದ್ ಬೂತ್ ಸಂಖ್ಯೆ 6 ಟ್ 514 ಮತದಾರೆರ್ ಬೊಕ್ಕ ಬೂತ್ ಸಂಖ್ಯೆ 7 ಟ್ 782 ಓನತ ಪಟ್ಟಿನ್ ಪರಿಷ್ಕರಣೆ ಮಲ್ತ್ದೆರ್. ಇಲ್ಲ್ ಇಲ್ಲದ ಸಮೀಕ್ಷೆದ ಮುಕೇನ ತೀರ್ದಿನುಲೆನ ಅಂಚೆನೇ ಬೇತೆ ಕಡೆಕ್ ಟ್ರಾನ್ಸ್ಫರ್ ಆತಿನ ಮತದಾರೆರೆನ್ ನಾಡ್ಪತ್ತ್ದ್ ಪಟ್ಟಿನ್ ಸಮ ನಿಲವು ನಿಲವುಡು ಸಮ ಮಲ್ತೊನರೆ ಸಾಧ್ಯ ಆಂಡ್