Last updated on September 20th, 2026 at 11:05 am
ಉಬಾರ್, ಸೆ. 20: ಕಂಡನ್ಯನ ಒಟ್ಟುಗು ನಡತಿನ ಲಡಯಿಡ್ ಪಿಸ್ರಾದ್ ಪೊಂಜೊವು ಒರ್ತಿ ಇರ್ವೆರ್ ಎಲ್ಯ ಜೋಕುಲೆನ್ ಗೂವೆಲ್ಗ್ ದಕ್ಕ್ದಿನ ಘೋರ ನಡಪು ಉಬಾರ್ ಪೊಲೀಸ್ ಸ್ಟೇಶನ್ ಸೀಮೆದ ಪೆರ್ನೆ ಪನ್ಪಿನಲ್ಪ ಶನಿವಾರ ಮಧ್ಯಾಹ್ನ ನಡತ್ದ್ಂಡ್.
ಮೈತ್ದಿನ ಬಾಲೆ (ರಬೀಹ್ – 2) ತೀರ್ದಿತ್ತ್ದ್, ಆರೋಪಿ ಪೊಂಜೊವುನ ಬಾಲೆಗ್ (ಆಲಿಯಾ – 4) ಗಡಿಕುಲಾದ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ಪೆರ್ನೆ ನಿವಾಸಿ ಸಿನಾನ್ (32) ಬೊಕ್ಕ ಆರೆನ ಬೊಡೆದಿ ನೂರುನ್ನಿಸಾ (28) ನ ನಡುಟು ಫೋನ್ ಕಾಲ್ಡ್ ವೈವಾಹಿಕ ವಿಚಾರೊಗು ಸಂಬಂಧಿತ್ದ್ ಬಾರೀ ಲಡಯಿ ಆತ್ಂಡ್. ಈ ಪೊರ್ತುಡು ಪಿಸ್ರಾಯಿನ ಬೊಡೆದಿ ನೂರುನ್ನಿಸಾ, ಇಲ್ಲಡಿತ್ತಿನ ತನ್ನ ಮೂಜರೆ ವರ್ಸೊದ ಬಾಲೆ ಬೊಕ್ಕ ಕಂಡನ್ಯನ ಸಂಗಡಿನ ಮೂಜಿ ವರ್ಸೊದ ಬಾಲೆನ್ ಒಯ್ತೊಂದು ಪೋದು ಇಲ್ಲ ಬರಿತ ಗೂವೆಲ್ಗ್ ದಕ್ಕ್ದಲ್.
ನಡಪುದ ಬಗೆಟ್ ತೆರಿನನೇ ಕಾರ್ಯಪ್ರವೃತ್ತೆರಾಯಿನ ಕೈತಲ್ದಕುಲು ಗೂವೆಲ್ಗ್ ಜತ್ತ್ದ್ ಜೋಕುಲೆನ್ ಮಿತ್ತ್ ಒಯ್ತ್ದೆರ್. ಆಂಡ, ಆತ್ ಪೊರ್ತುಗಾನಗ ಕಂಡನ್ಯನ ಸಂಗಡಿನ ಬಾಲೆ ತೀರ್ದಿತ್ತ್ಂಡ್. ಆರೋಪಿನ ಸ್ವಂತ ಬಾಲೆಗ್ ಗಾತಿದ ಗಡಿಕುಲಾದಿತ್ತ್ದ್, ಅಪಗನೇ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋದು ಮರ್ದ್ ಮಲ್ತ್ದೆರ್. ಈ ಬಗೆಟ್ ಉಬಾರ್ ಪೊಲೀಸ್ ಸ್ಟೇಶನ್ಡ್ (ಅ.ಕ್ರಂ 121/2026) ಪ್ರಕರಣ ದಾಕಲಾತ್ಂಡ್. ನೂರುನ್ನಿಸಾ ನ್ ಪೊಲೀಸೆರ್ ಉಲಕೈ ಮಲ್ತಿತ್ತ್ದ್, ವಿಚಾರಣೆ ಮತ್ತೊಂದುಲ್ಲೆರ್.