Last updated on September 23rd, 2026 at 10:48 am
ಕುಡ್ಲ, ಸೆ. 23: ಉತ್ತರಾಖಂಡೊಡು ಚಾರ್‌ಧಾಮ್ ಯಾತ್ರೆ ಪೋದಿತ್ತಿನ ಕುಂಪಲದ 53 ವರ್ಸ ಪ್ರಾಯೊದ ಆಂಜೊವು ಒರಿ ಹಾರ್ಟ್ ಅಟ್ಯಾಕ್‌ ಆದ್ ತೀರ್ದೆರ್.
ತೀರ್ದಿನಾರೆನ್ ಕುಂಪಲ ವಿದ್ಯಾನಗರ ನಿವಾಸಿ ರಾಜೇಶ್ ಪೂಜಾರಿ ಪನ್ದ್ ಗುರ್ತ ಪತ್ತ್‌ದೆರ್.
ಸೆಪ್ಟೆಂಬರ್ 18 ದಾನಿ, ತೊಕ್ಕೊಟ್ಟು ಪ್ರದೇಶೊದ 15 ಜನೊತ ಕೂಟ ಹರಿದ್ವಾರ, ಯಮುನೋತ್ರಿ, ಗಂಗೋತ್ರಿ, ಬದರಿನಾಥ ಬೊಕ್ಕ ಕೇದಾರನಾಥಗ್ ತೀರ್ಥಯಾತ್ರೆ ಪೋದಿತ್ತ್ಂಡ್. ಹರಿದ್ವಾರ ಪೋದು ಬೊಕ್ಕ , ಮೊಕುಲು ಯಮುನೋತ್ರಿ ಎತ್ತ್‌ದೆರ್. ಮೂಲೊಲೆನ ಪ್ರಕಾರ, ದೇಬೆರೆ ದರ್ಶನ ಮಲ್ತ್‌ದ್ ದೇಲಂತಡೆದ ಪಿದಯಿ ಕುಲ್ಲುದುಪ್ಪುನಗ ರಾಜೇಶ್ ಅಲ್ಪನೇ ಕುಸ್ಕ್‌ದ್ ಬೂರ್ದು ತೀರ್ದೆರ್.
ಮಂಗಳೂರು ಜಿಲ್ಲಾ ಬಿಜೆಪಿ ಅಧ್ಯಕ್ಷೆ ಸತೀಶ್ ಕುಂಪಲ ಮೇರ್ ಪುನೊನು ಊರ್‌ಗ್ ಕನಯೆರೆ ಉತ್ತರಾಖಂಡೊದ ಯಮುನೋತ್ರಿ ವಿಧಾನಸಭಾ ಕ್ಷೇತ್ರೊದ ಮಾಜಿ ಶಾಸಕೆ ಕೇದಾರ್ ಸಿಂಗ್ ರಾವತ್ ಮೆರೆಡ ಪಾತೆರ್ದ್, ಅಲ್ಪ ತಿಕ್‌ದ್ ಬೂರ್ದಿನ ಯಾತ್ರಾರ್ಥಿಲೆಗ್ ಸಕಾಯ ಮಲ್ಪೆರೆ ಕೇನ್ಡೆರ್. ಬೇಗೊಡೇ ಪ್ರತಿಕ್ರಿಯೆ ಕೊರ್ನ ಮಾಜಿ ಶಾಸಕೆರ್ ಪುನೊನು ಡೆಹ್ರಾಡೂನ್‌ದ ಆಸ್ಪತ್ರೆಗ್ ಕಡಪುಡ್ರ ಸಕಾಯ ಮಲ್ತೆರ್ ಬೊಕ್ಕ ಪುನೊನು ಕುಡ್ಲಗ್ ವಿಮಾನೊಡು ಕನಯೆರೆ ಬೋಡಾಪಿನ ಮಾತಾ ವ್ಯವಸ್ಥೆಲೆನ್ ಮಲ್ತೆರ್.
ರಾಜೇಶ್ ಜಪ್ಪುದ ಆರೆನ ಪಲಯನ ನೇತ್ರಾವತಿ ಗ್ಯಾರೇಜ್‌ಡ್ ಬೇಲೆ ಮಲ್ತೊಂದಿತ್ತೆರ್. ಆರ್ ಬೊಡೆದಿ, ಒರ್ತಿ ಮಗಲ್ ಬೊಕ್ಕ ಒರಿ ಮಗನ್ ಅಗತ್‌ದೆರ್.