Last updated on September 23rd, 2026 at 01:26 pm
ಸೆ. 23: ಕಾಸ್ರೋಡ್‌ದ ವರ್ಕಾಡಿದ ಪ್ರತಿಭೆ, ರಂಗಭೂಮಿ ಬೊಕ್ಕ ಸಿನೆಮಾ ಕಲಾವಿದೆದಿ ರೂಪಶ್ರೀ ವರ್ಕಾಡಿ ಮೆರೆಗ್ 72ನೇ ನ್ಯಾಶನಲ್ ಫಿಲ್ಮ್ ಅವಾರ್ಡ್ಸ್‌ಡ್ ‘ಅತ್ಯುತ್ತಮ ಪೋಷಕ ನಟಿ’ (Best Supporting Actress) ಪ್ರಶಸ್ತಿ ತಿಕ್ಕ್‌ದ್ಂಡ್. ಸುಮಂತ್ ಭಟ್ ನಿರ್ದೇಶನ ಬೊಕ್ಕ ರಕ್ಷಿತ್ ಶೆಟ್ಟಿ ನಿರ್ಮಾಣೊದ ಕನ್ನಡೊದ ‘ಮಿಥ್ಯ’ ಸಿನೆಮಾದ ಅದ್ಭುತ ಅಭಿನಯೊಗಾದ್ ಅರೆಗ್ ಈ ಮಲ್ಲ ಗೌರವ ಒದಗ್‌ದ್ ಬೈದ್ಂಡ್. ಕರಿನ ಸುಮಾರ್ 25 ವರ್ಷೊರ್ದುಲಾ ಎಚ್ಚ ಕಾಲೊರ್ದು ತುಳು, ಕನ್ನಡ, ಬ್ಯಾರಿ ಬೊಕ್ಕ ಕೊಂಕಣಿ ಭಾಷೆದ ಸುಮಾರ್ 85 ರ್ದುಲಾ ಎಚ್ಚ ಸಿನೆಮಾ ಬೊಕ್ಕ 700ರ್ದ್ ಎಚ್ಚ ನಾಟಕೊಲೆಡ್ ಅಭಿನಯ ಮಲ್ದಿನ ರೂಪಶ್ರೀ ಮೆರೆನ ಈ ಸಾದಗೊ ಇಡೀ ತುಳುನಾಡ್‌ಗ್ ಮಲ್ಲ ಪೆರ್ಮೆ ಕನತ್‌ದ್ಂಡ್.
ಈ ಪ್ರಶಸ್ತಿ ತಿಕ್ಕಿನೆತ ಬಗ್ಗೆ ಪಾತೆರ್ದಿನ ರೂಪಶ್ರೀ, “ಬಣ್ಣದ ಲೋಕಗ್ ಬೈದಿನ ಎಂಕ್ ಈ ರಾಷ್ಟ್ರ ಪ್ರಶಸ್ತಿ ತಿಕ್ಕುಂಡು ಪಂಡ್‌ದ್ ಕನಟ್‌ಲಾ ಎನ್ನಿದಿಜಿ; ಉಂದು ಎನ್ನ ಕರಿನ ದಿನೊತ ಕಷ್ಟೊಗು ಬೊಕ್ಕ ಕಲೆಗ್ ತಿಕ್ಕಿನ ಮಲ್ಲ ಗೌರವ” ಪಂಡ್‌ದ್ ಪನ್ತೆರ್. 9ನೇ ಕ್ಲಾಸ್‌ಡ್ ಉಪ್ಪುನಗ ಕಾಲಿ 500 ರೂಪಾಯಿ ಸಂಬಲ ದೆತೊಂದು ನಾಟಕೊಡು ಬಣ್ಣ ಪೂಜಿದಿನ ಆರ್, ಇನಿ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೆರೆನ ಕೈರ್ದ್ ಪ್ರಶಸ್ತಿ ದೆತೊಂದುನೆ ಅರೆನ ಪರಿಶ್ರಮ ಬೊಕ್ಕ ಕಲೆತ ಮಿತ್ತ್ ಉಪ್ಪುನ ಶ್ರದ್ಧೆಗ್ ಮಲ್ಲ ಸಾಕ್ಷಿಯಾದ್ ಉಂತುಂಡು.