Last updated on September 24th, 2026 at 03:52 pm
ಕುಡ್ಲ: ಕರ್ನಾಟಕ ರಾಜ್ಯದ ರಾಜಧಾನಿ ಬೆಂಗಳೂರ್‌ದ (Bengaluru) ಪಿದಯಿ ಉಂದೇ ಕಡೀರ ಸರ್ತಿ ತಿರುಮಲ ತಿರುಪತಿ ದೇವಸ್ಥಾನಂ (TTD) ಟ್ರಸ್ಟ್.ದ ಕಡೆರ್ದ್ ಶ್ರೀ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನ (Temple) ತಾಪನೆ ಆವರೆ ಉಂಡು. ತೊರತ್ತಲ್ ಕೈತಲ್ದ ಬಡಗ ಎಕ್ಕಾರ್ ಗುಡ್ಡೆ ಜಾಗೆಡ್ ಈ ಪೊಸ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನ ನನ ಒಂಜಿ ವರ್ಸೊದ ಉಲಯಿ ಗರ್ದ್‌ಡ್ ಲಕ್ಕ್‌ದ್ ಉಂತರೆ ಉಂಡು.
ರಡ್ಡನೇ ತಿರುಪತಿ ದೇವಸ್ಥಾನ
ಕರ್ನಾಟಕೊಡು ಇದಮುಟ್ಟ ಬೆಂಗಳೂರ್‌ಡ್ ಮಾತ್ರ ತಿರುಪತಿ ದೇವಸ್ಥಾನ ಇತ್ತ್ಂಡ್. ಅವೆನ್ ಬುಡ್ದು, ಕುಡ್ಲಡ್ ಟಿಟಿಡಿ ರ್ದ್ ಕಟ್ಟೊಂದುಪ್ಪುನ ರಡ್ಡನೇ ತಿರುಪತಿ ದೇವಸ್ಥಾನ ಉಂದಾದುಂಡು. ಈ ಮಲ್ಲ ಬೇಲೆಗ್ ಇಂಚಿಪ ನಡತಿನ ಸಚಿವ ಸಂಪುಟ ಇನಯೊಡು ಈ ದೇವಸ್ಥಾನ ಕಟ್ಟೆರ ಕುಡ್ಲಡ್ ಒಟ್ಟು 10 ಎಕ್ರೆ ಜಾಗೆನ್ ಅಧಿಕೃತವಾದ್ ಮಂಜೂರ್ ಮಲ್ತ್‌ದೆರ್.
ತಿರುಮಲದ ಲೆಕಾನೆ ದೇವಸ್ಥಾನ
ಬಡಗ ಎಕ್ಕಾರ್‌ಡ್ ಕಟ್ಟೊಂದುಪ್ಪುನ ಈ ದೇವಸ್ಥಾನ ಸಂಪೂರ್ಣವಾದ್ ತಿರುಮಲ ದ ಲೆಕಾನೆ ಇಪ್ಪೆರೆ ಉಂಡು. ಅಂಚಾದ್ ಅಲ್ಪ ನಡಪುನ ಎಚ್ಚಿಗೆ ವಿಶೇಷ ಪೂಜೆಲು ಬೊಕ್ಕ ಸೇವೆಲು ಮುಲ್ಪಲಾ ನಡಪುವ. ತಿರುಪತಿದ ಪುದರ್‌ಪೋತಿನ ಸುಪ್ರಭಾತ ಸೇವೆ, ಕಲ್ಯಾಣೋತ್ಸವ, ಬೊಕ್ಕ ಬ್ರಹ್ಮೋತ್ಸವ ಸೇರ್ದ್ ನಿಚ್ಚೊಲಾ ನಡಪುನ ಮಾತಾ ದೈವಿಕ ಸೇವೆಲುಲಾ ಮುಲ್ಪ ಇಪ್ಪುವ.