Last updated on September 29th, 2026 at 09:48 am
ಒಡಿಪು, ಸೆ.29: ಕರ್ನಾಟಕ ರಾಜ್ಯ ಕಾನೂನು ಸೇವೆಲೆನ ಪ್ರಾಧಿಕಾರ ಬೆಂಗಳೂರ್ ಇಂದೆತ ನಿರ್ದೇಶನೊದ ಪ್ರಕಾರ ಒಡಿಪು ಜಿಲ್ಲೆದ ಒಡಿಪು, ಕುಂದಾಪುರ, ಕಾರ್ಲ ಬೊಕ್ಕ ಬೈಂದೂರ್ ಸೀಮೆದ ಬೇತೆ ಬೇತೆ ನ್ಯಾಯಂತಡೆಲೆಡ್ ನಡತಿನ ರಾಷ್ಟ್ರೀಯ ಲೋಕ್ ಅದಾಲತ್‌ಢಡ್ ಒಂಜೇ ದಿನ ಒಟ್ಟು 61,367 ಪ್ರಕರಣೊಲು ಯಶಸ್ವಿಯಾದ್ ಪಿರಿಕಟ್ಟ್ ಮಲ್ತ್‌ದೆರ್‌.
ಇತ್ಯರ್ಥ ಆತಿನ ಪ್ರಕರಣೊಲೆಡ್ 261 ರಾಜಿ ಮಲ್ತೊನರೆ ಸಾಧ್ಯ ಇತ್ತಿನ ಚೆಕ್ ಅಮಾನ್ಯ ಪ್ರಕರಣೊಲು, 79 ಬ್ಯಾಂಕ್ ಬೊಕ್ಕ ಕಾಸ್ ವಸೂಲಿದ ಪ್ರಕರಣೊಲು, 2 ವೈವಾಹಿಕ ವಿವಾದೊಲು, 3,190 ಬೇತೆ ಸಿವಿಲ್ ಪ್ರಕರಣೊಲು, 47 ಮೋಟಾರ್ ವಾಹನ ಅಪಘಾತ ಪರಿಹಾರ (MACT) ಪ್ರಕರಣೊಲು, 1 ಕಾರ್ಮಿಕ ವಿವಾದ, 3 ಕಾಸ್‌ಡ್ ಸಂಬಂಧಿತಿನ ಪ್ರಕರಣ, 12 ಬೇತೆ ಕ್ರಿಮಿನಲ್ ಪ್ರಕರಣೊಲು ಬೊಕ್ಕ 57,772 ವ್ಯಾಜ್ಯಪೂರ್ವ (ಪ್ರಿ-ಲಿಟಿಗೇಶನ್) ಪ್ರಕರಣೊಲು ಇತ್ತ. ಈ ಮಾತಾ ಪ್ರಕರಣೊಲೆನ ರಾಜಿ ಸಂಧಾನೊದ ಮುಕೇನ ಒಟ್ಟು ರೂ. 14,45,52,485 ಪರಿಹಾರ ಮೊತ್ತ ಘೋಷಣೆ ಆತ್ಂಡ್.
ನ್ಯಾಯಾಂಗ ಇಲಾಖೆ, ಜಿಲ್ಲಾ ಕಾನೂನು ಸೇವೆಲೆನ ಪ್ರಾಧಿಕಾರ, ತಾಲೂಕ್ ಕಾನೂನು ಸೇವಾ ಸಮಿತಿಲು, ಒಡಿಪಕ, ಕುಂದಾಪುರ, ಕಾರ್ಲ, ಬೈಂದೂರು ಬೊಕ್ಕ ಬೆರ್ಮಾವರದ ವಕೀಲೆರೆ ಸಂಘೊಲು, ಪ್ರಾಸಿಕ್ಯೂಷನ್ ಇಲಾಖೆ, ಸರ್ಕಾರಿ ವ್ಯಾಜ್ಯೊಲೆನ ಇಲಾಖೆ, ಪೊಲೀಸ್, ಕಂದಾಯ, ಗಣಿ ಬೊಕ್ಕ ಭೂವಿಜ್ಞಾನ ಇಲಾಖೆ, ವಿಮಾ ಕಂಪೆನಿಲು, ಬ್ಯಾಂಕ್‌ಲು, ಕಕ್ಷಿದಾರೆರ್ ಬೊಕ್ಕ ಬೇತೆ ಬೇತೆ ಸರ್ಕಾರಿ ಇಲಾಖೆಲೆನ ಸಂಪೂರ್ಣ ಸಹಕಾರೊಡು ಲೋಕ್ ಅದಾಲತ್ ಯಶಸ್ವಿಯಾದ್ ನಡತ್‌ದ್ಂಡ್ ಪನ್ದ್ ಪ್ರಧಾನ ಜಿಲ್ಲಾ ಬೊಕ್ಕ ಸತ್ರ ನ್ಯಾಯಾಧೀಶೆರೆ ಪತ್ರಿಕಾ ಪ್ರಕಟಣೆ ತೆರಿಪಾದ್ಂಡ್.