Last updated on September 30th, 2026 at 01:56 pm
ಕಾಪು, ಸೆ. 30: ರಾಷ್ಟ್ರೀಯ ಪೆರ್ಸಾದಿ 66ತ ಕಾಪು ಫ್ಲೈಓವರ್‌ದ ಮಿತ್ತ್ ನಡತಿನ ಭೀಕರ ಎಡ್ತೆಡ್ ಗಾತಿದ ಗಡಿಕುಲಾದ್ ಆಸ್ಪತ್ರೆಗ್ ದಾಕಲಾದಿತ್ತಿನ ಒಂಜರೆ ವರ್ಸ ಪ್ರಾಯೊದ ಬಾಲೆ ಮರ್ದ್ ಪಲಿಪಂದೆ ತೀರ್ದ್ಂಡ್. ಉಚ್ಚಿಲ ನಿವಾಸಿ ಸಂಧ್ಯಾ ಪನ್ಪಿನಾರೆನ ಮಗೆ ಸುವಿತ್ (1.5 ವರ್ಷ) ತೀರ್ದಿನ ಬಾಲೆ.
ಉಚ್ಚಿಲರ್ದ್ ಒಡಿಪು ದಂಚಿ ಪೋವೊಂದಿತ್ತಿನ ರಿಕ್ಷಾ, ಸಾದಿ ಬರಿತ ಬ್ಯಾನರ್‌ಲೆನ್ ದೆಪ್ಪುನ ಕಾರ್ಯಾಚರಣೆಡ್ ಇತ್ತಿನ ಕಾಪು ಪುರಸಭೆಗ್ ಸೇರ್ದಿನ ಟೆಂಪೋಗ್ ಪಿರವುರ್ದ್ ಜೋರುಡು ಎಡ್ತ್‌ದಿತ್ತ್ಂಡ್. ಈ ಎಡ್ತೆದ ಬರಸ್‌ಗ್ ರಿಕ್ಷಾಡ್ ಇತ್ತಿನ ಉಚ್ಚಿಲ ನಿವಾಸಿ ಸಂಧ್ಯಾ ಬೊಕ್ಕ ಆರೆನ ಜೋಕುಲು ಗಯಾನ್ ಬೊಕ್ಕ ಸುವಿತ್‌ಗ್ ಗಡಿಕುಲಾತ.
ಇಂದೆಟ್ ಬಾರೀ ಗಾತಿದ ಸ್ಥಿತಿಟ್ ಇತ್ತಿನ ಒಂಜರೆ ವರ್ಸೊದ ಬಾಲೆ ಸುವಿತ್‌ನ್ ಅಪಗನೇ ಒಡಿಪುದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದ್, ಆಸ್ಪತ್ರೆದ ತೀವ್ರ ICU ಡ್ ದೀದ್ ಮರ್ದ್ ನಡತೊಂದಿತ್ತ್ಂಡ್. ಆಂಡ ಬಾಲೆ ಮರ್ದ್ ಪಲಿಪಂದೆ ಸೋಮವಾರ ತೀರ್ದ್ಂಡ್ ಪನ್ದ್ ಡಾಕ್ಟರ್‌ನಕುಲು ದೃಢ ಮಲ್ತ್‌ದೆರ್. ನಡಪುಗು ಸಂಬಂಧಿತ್‌ದ್ ಕಾಪು ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾದಿತ್ತ್‌ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.