Last updated on October 2nd, 2026 at 07:50 pm
ಮುಲ್ಕಿ : ಅತಿಕಾರಿಬೆಟ್ಟು ಗ್ರಾಮದ ಗಂಗಾಧರ ವಿ.ಶೆಟ್ಟಿ ಬರ್ಕೆತೋಟ ಮೇರ್ ಹೃದಯಾಘಾತೊಡು ಇನಿ ( 2 ಅಕ್ಟೋಬರ್) ಉತ್ತರಾಖಂಡದ ಯಮುನೋತ್ರಿಡ್ ತೀರ್ ಪೋಯೆರ್. ಧಾರ್ಮಿಕ ಕ್ಷೇತ್ರೊಗು ಪೋದಿತ್ತಿನ ಮೇರೆಗ್ ಯಮುನೋತ್ರಿದಲ್ಪ ನಡತೊಂದು ಪೋನಗ ಹೃದಯಾಘಾತ ಆಂಡ್, ಮೆರೆನ ಒಟ್ಟುಗು ಮೆರೆನ ಧರ್ಮಪತ್ನಿ ಬೊಕ್ಕ ಸಹೋದ್ಯೋಗಿಲು ಇತ್ತೆರ್ ಪನ್ದ್ ತೆರಿದ್ ಬೈದ್ಂಡ್.
ಮೇರ್ ಅತಿಕಾರಿಬೊಟ್ಟುದ ಕಾರ್ಣಿಕ ಕ್ಷೇತ್ರ ಜುಮಾದಿ ದೈವಸ್ಥಾನದ ಜೀರ್ಣೋದ್ಧಾರ ಸಮಿತಿದ ಪ್ರಧಾನ ಕಾರ್ಯಂತೆರಾದ್, ಅತಿಕಾರಿಬೆಟ್ಟು ಹಾಲು ಉತ್ಪಾದಕ ಸಂಘದ ಅಧ್ಯಕ್ಷೆರಾದ್, ವಿಜಯ ರೈತರ ಸೇವಾ ಸಂಘದ ನಿರ್ದೇಶಕೆರಾದ್, ಏತೋ ದೈವ ದೇವಸ್ಥಾನೊಲೆಡ ಅಭಿವೃದ್ಧಿಗ್ ಬೆನೊಂದು ಜನಾನುರಾಗಿಯಾದಿತ್ತೆರ್.
ಗಂಗಾಧರ ಶೆಟ್ರೆಗ್ ಬೊಡೆದಿ ಅಂಚೆನೆ ರಡ್ಡ್ ಆನ್ ಜೋಕುಲು ಉಲ್ಲೆರ್. ಮೆರೆನ ಮರಣೊಗು ಗಣ್ಯೆರ್ ಸಂತಾಪ ಪನ್ತೆರ್.