Last updated on October 3rd, 2026 at 12:43 pm
ಕುಡ್ಲ, ಅ.03: ಬದ್‌ಕ್‌ಡ್ ಪಾಕ ಮಿತ್ತ್ ತಿರ್ತ್‌ಲೆನ್, ಬೇನೆದ ಸಮಸ್ಯೆಲೆನ್ ತೂತೆ. ಸೋತ್‌ದ್ ಗೆಂದ್‌ದೆ. ಮಾತೆನ್ಲಾ ಬದ್‌ಕ್‌ಡ್ ತೂತೆ. ಸಾದಗೊ ಬೆನ್ಯೆರೆ ಪ್ರಾಯ ಅಡ್ಡ ಬರಂದ್. ಬರ್ಪಿ ಏಷ್ಯನ್ ಗೇಮ್ಸ್‌ಡ್ ಎಡ್ಡೆಡ್ ಗೊಬ್ಬುದ್ ಬಂಗಾರ್‌ದ ಪದಕೊದೊಟ್ಟುಗು ಪಿರ ಬರ್ಪೆ ಪನ್ದ್ ಏಷ್ಯನ್ ಗೇಮ್ಸ್‌ಡ್ ಬಂಗಾರ್ ಗೆಂದ್‌ದಿನ ಎಂ.ಆರ್. ಪೂವಮ್ಮಷಪನ್ಡೆರ್.
ಏಷ್ಯನ್ ಗೇಮ್ಸ್‌ದ 4×400 ಮೀ. ಪೊಂಜೊವುಲೆನ ರಿಲೇ ಪಂತೊಡು ಬಂಗಾರ್ ಬೊಕ್ಕ 4×400 ಮೀ. ಮಿಕ್ಸ್‌ಡ್ ರಿಲೇಡ್ ಬೊಲ್ಲಿ ಗೆಂದ್‌ದ್ ಕುಡ್ಲಗ್ ಬತ್ತಿನ ಆರ್, ಸಿಟಿ ಸೆಂಟರ್ ಮಾಲ್ ಡ್ ಮೊಹ್ತಿಶ್ಯಾಂ ಬೊಕ್ಕ ಸಿಟಿ ಸೆಂಟರ್ ಕಡೆರ್ದ್ ಸನ್ಮಾನ ಗೆತೊಂದು, ಬೊಕ್ಕ ನಡತಿನ ಸುದ್ದಿಗೋಷ್ಠಿಡ್ ಪಾತೆರ್ಯೆರ್.
ಈ ಪೊರ್ತುಡು ಪೂವಮ್ಮ ಮೆರೆನ ಅಪ್ಪೆ ಜಾಜಿ ರಾಜು, ಅಮ್ಮೆರ್ ಎಂಜಿ ರಾಜು, ಕಂಡನೆ ಜಿತಿನ್ ಪಾಲ್, ಮೊಹ್ತಿಶ್ಯಾಂ ಸಂಸ್ಥೆದ ನಿರ್ದೇಶಕೆರಾಯಿನ ಸೈಯದ್ ಮುಹಮ್ಮದ್ ಅರ್ಶದ್, ಸೈಯದ್ ಮುಹಮ್ಮದ್ ಸವೊದ್, ಪೂವಮ್ಮನ ಟ್ರೈನರ್ ದಿನೇಶ್ ಕುಂದರ್, ಕ್ರೀಡಾ ಇಲಾಖೆ ಉಪನಿರ್ದೇಶಕೆ ಪ್ರದೀಪ್ ಡಿಸೋಜ, ಮುಡಾ ಮಾಜಿ ಅಧ್ಯಕ್ಷೆ ತೇಜೋಮಯ, ದಾಯ್ಜಿವರ್ಲ್ಡ್ ಮಾಧ್ಯಮೊದ ಒತ್ತುಪಾಲ್ ಇತ್ತೆರ್.