Last updated on October 6th, 2026 at 10:13 am
ಒಡಿಪು, ಅ. 6 : ದೆಲ್ಲಿ ದಂಚಿ ಪೋವೊಂದಿತ್ತಿನ ನಿಜಾಮುದ್ದೀನ್ ಎಕ್ಸ್ ಪ್ರೆಸ್ ರೈಲ್ ಇಂದ್ರಾಳಿದ ಕೈತಲ್ ಮೆಲಾನೆ ಪೋವೊಂದುಪ್ಪುನಗ ಪ್ರಯಾಣಿಕೆ ಒರಿ ರೈಲ್‌ರ್ದ್ ಲಾಗಿದ್ ತೀರ್ದಿನ ನಡಪು ಸೋಮವಾರ ಇಂದ್ರಾಳಿ ರೈಲ್ ಉಂತಡೆಡ್ ನಡತ್‌ದ್ಂಡ್.
ದೆಲ್ಲಿ-ಎರ್ನಾಕುಳಂ ನಡುಟು ಬಲಿಪುನ ಟ್ರೈನ್ ಸಂಖ್ಯೆ 12284 ನಿಜಾಮುದ್ದೀನ್ ಎಕ್ಸ್‌ಪ್ರೆಸ್ ಇಂದ್ರಾಳಿ ರೈಲ್ ಉಂತಡೆಡೆ ಮೆಲಾನೆ ಪೋವೊಂದುಪ್ಪುನಗ ಈ ನಡಪು ನಡತ್‌ದ್ಂಡ್. ರೈಲ್‌ದ ರಡ್ಡನೇ ಕೋಚ್‌ಡ್ ಇತ್ತಿನ ಪ್ರಯಾಣಿಕೆ ಒರಿ ರೈಲ್‌ರ್ದ್ ತಿರ್ತ್ ಬೂರ್ದೆರ್ ಪನೊಂದುಲ್ಲೆರ್. ಈ ರೈಲ್‌ಗ್ ಇಂದ್ರಾಳಿ ಉಂತಡೆಡ್ ಸ್ಟಾಪ್ ಇಜ್ಜಂಡ್.
ನಡಪುದ ಒಲವು ತಿಕ್ಕಿನೇ ರೈಲ್ವೆ ಆರ್‌ಪಿಎಫ್ ಸಿಬ್ಬಂದಿ ಸಮಾಜಸೇವಕೆ ನಿತ್ಯಾನಂದ ಒಳಕಾಡ್ ಮೆರೆಗ್ ತೆರಿಪಾದೆರ್. ಆರ್ ಅಡೆ ಬತ್ತ್‌ದ್ ಮತಿತತ್ತಿನ ಸ್ಥಿತಿಟ್ ಇತ್ತಿನ ಆಂಜೊವುನು ಅಪಗನೇ ಅಜ್ಜೆರೆಕಾಡ್ ಜಿಲ್ಲಾಸ್ಪತ್ರೆಗ್ ಲೆತೊಂದು ಪೋತೆರ್. ಪರೀಕ್ಷೆ ಮಲ್ತಿನ ಡಾಕ್ಟರ್ ಆಂಜೊವು ತೀರ್ದಿನೆನ್ ದೃಢ ಮಲ್ತ್‌ದೆರ್.
ಆಂಜೊವುನು ಬೋಲ್ತೇರ್ ತಾಲೂಕ್‌ದ ಪೊಸಂಗಡಿ ನಿವಾಸಿ ದಿನೇಶ್ ಪನ್ದ್ ಗುರ್ತ ಪತ್ತ್‌ದೆರ್. ತೀರ್ದಿನಾರೆನ ವಾರಸ್ದಾರೆರ್ ಮಣಿಪಾಲ ಪೊಲೀಸ್ ಸ್ಟೇಶನ್‌ಗ್ ಸಂಪರ್ಕ ಮಲ್ಪೆರೆ ಸೂಚನೆ ಕೊರ್ತೆರ್.
Odipu: Railrd Laagid Boltherda Aanjovu Teeryer
Odipu, A. 6: Delhi danchi povondittina Nizamuddin Express rail Indraalida kaital melaane povonduppunaga prayaanike ori railrd laagid teer dina nadapu Somavaara Indraali rail untadede nadatdnd.
Delhi-Ernaakulam nadutu balipuna train sankhye 12284 Nizamuddin Express Indraali rail untadede melaane povonduppunaga ee nadapu nadatdnd. Railda raddane coachd ittina prayaanike ori railrd tirtt boorder panonduller. Ee railg Indraali untadede stop ijjand.
Nadapuda olavu tikkine railway RPF staff samaajasevake Nityaanaanda Olakaad mereg teripaader. Aar ade battd matitattina sthitit ittina aanjoyunu apagane Ajjarekad jillaaspateg letondu poter. Pareekshe maltina doctor aanjovu teerdinen drudha maltder.
Aanjoyunu Bolther taalukda Posangadi nivaasi Dinesh pand gurt pattder. Teer dinaaren vaarasdaarer Manipaala police stationg samparka malpere soochane korter.